Grace Poe's dzMM Interview Transcript on e-powers
With Ted Failon and Toni Aquino

FAILON: Good morning, ma'am.

POE: Magandang umaga sa iyo Ted at sa lahat ng nakikinig, magandang umaga.

FAILON: Madam Senator, ma'am emergency powers kasi po wala ho kaming maramdaman sa ipinangako ni Ginoong Tugade baka ho iyun talaga ang hinihintay. Kumusta naman ho, ma'am?

POE: Alam niyo manong, yun nga yung irony, iyun nga yung nakakagulo ng isip. Emergency powers ito, yun ang ating gustong ibigay sa kanila pero siyempre naghihintay din tayo ng schedule sa Senado para ma-interpellate. Nung makailang araw lamang, nag-umpisa na kami ng period of interpellation. Ibig sabihin nun, umuusad na at pag ito naman ay naaprubahan na--lahat halos (ng senador) ay nagpalista na para magtanong at hindi naman natin sila masisi dahil ayaw naman nilang maabuso rin ang kapangyarihan na ito.

Pero may mga ibang nagtatanong, halimbawa sa Senado, kailangan ba natin ng emergency powers, hindi ba meron na tayong mga batas na pinapayagan ang ibang bagay na nais nating gawin. Sabi ko naman, oo, meron tayong mga batas, yung procurement law halimbawa, yung ating right of way na mga batas, pero hindi na naha-harmonize or hindi napapagkasundo sa iisang batas kaya nakakalito minsan. Iyun po yung sitwasyon ngayon dito sa Senado, pero ako naman ay umaasa sa sinabing ito'y ipapasa pero alam niyo naman po iba rin talaga ang bersyon dun sa mababang kapulungan.

FAILON: Opo, so ano ho, ma'am, ang pupuntahan natin dito? Kailan kaya ho ito? You know, I don't want to put pressure on you ma'am pero nagkakaroon sila ng katwiran. Diba ma'am, alam niyo ho ma'am yung ipinangako nila sa EDSA na yung mga walang butas sa likod na terminal (ng bus), atleast yun may dahilan sila para mapasarhan, hindi nila magawa ngayon, so siguro ang sinasabi diyan ay wala pa rin ang emergency powers na yan.

POE: Alam niyo manong, totoo rin namang mas malaki talaga ang maitutulong kapag halimbawang hindi ka na pwedeng kontrahin sa mga lower courts at meron na tayong mga batas na magsasabing iha-harmonize or ipagkakasundo yung mga batas ng iba't ibang mga local government sa isang central authority. Mas mabilis siguro silang makakilos pero yun nga, hinihintay natin sa kanila yung medyo mas matapang-tapang na inisyatibo ngayon.

Dito sa Senado, sa tingin ko lahat naman kami ay nagkakasundo na lahat tayo ay biktima talaga ng traffic at naiinis na rin, siyempre manhid lang naman ang hindi maiinis dito, kaya sa tingin ko makakapasa naman ito kaagad.

Ang problema, manong, kahit na ipasa natin ito sa agarang panahon, sabihin nating bago mag-Marso, hanggang March 18 lang (ang session) tapos mag-aadjourn na naman, paano pa ngayon ang bersyon doon sa House? Alam niyo yung sa kanila, manong, wala talagang emergency powers na ibibigay tapos hindi po kasama ang mga airports diyan. Marami po silang tinanggal diyan na hindi kasama, kaya sa tingin ko malaking gulo (contentious-team), kaya nga sabi ko, ano ba naman ito, emergency nga. Kahit nakipag-meeting po ako, ayoko ng banggitin ang pangalan po, pero sa DOTr, sabi nila kasi daw sa (bersyon ng) batas namin, binibigyan namin sila ng 30 days to submit a traffic action plan. Samantala daw sa House, binibigyan sila ng 60 days, so kung pwede daw ba palawigin pa. Sabi ko, hindi, kasi ang tagal-tagal na nito, wala ba kayong maisusumite agad? Hindi naman ito written in stone, hindi po ito nakasulat sa bato, titingnan po natin kung ano yung maayos dito na traffic plan. Kaya nga emergency powers ang hinihingi ninyo tapos gusto ninyo mas matagal pa bago ito maaksyunan.

FAILON: I understand and sila po ay nakaka-223 days na, ma'am.

POE: Ang hirap talaga, alam niyo kahit po sa Senado yun nga yung aking frustration--nakatali po talaga ang kamay mo sapagkat hindi mo naman pwedeng aksyunan ng mag-isa ka, pero pwede mo namang itulak rin na mas bumilis-bilis, at yun na nga ang nangyari na kahit na mahaba ito, na-report out na natin at nag-uumpisa na rin ang debate dito.

FAILON: Ngayon ang maliwanag po sa atin pong panayam, hindi pa maliwanag. Hindi ba, ma'am? Yan ang maliwanag--na hindi pa maliwanag kasi unang-una ang layo ng version po sa Lower House tapos ngayon dadaan pa ito sa katakut-takot pang deliberasyon. Meantime, habang hinihintay natin ito, ang mga taga-DOTr, with all due respect sa kanila, wala silang ginagawa.

POE: Pero alam niyo manong, ang gobyerno, sinasabi nila na seryoso din sila talaga sa pagresolba nito, subalit nakikita naman natin ang aksyon din ng iba na ang prayoridad nila, syempre iba, 'di na nakikita natin na death penalty talaga yung itinutulak doon sa baba. Kung anuman ang pananaw mo dito, sa tingin ko mahalaga rin namang tutukan rin nila ito sapagkat marami rin namang kinamamatayan na ang tagal ng traffic na binabaybay nila sa ating kalsada

FAILON: Opo, tama po, ma'am, because ito pong sentensya po ng death penalty mas mahirap po ito sa traffic dahil they are killing you softly.

POE: Yan ang torture, manong.

TONI AQUINO: Pero alam mo, gusto ko na lang itanong kay Senator Grace Poe, I want to be positive, diba? Tulad ng kahapon, pinag-uusapan natin, how do you manage stress kapag nata-traffic kayo, Senator? Bigyan niyo na lang kami ng tips.

POE: Alam mo like most Filipinos and this is the sad thing, it has come to a point of acceptance. So, sometimes we have to remind ourselves, we deserve better than this. Sa sasakyan, syempre doon ka nagbabasa ng mga dapat mong basahin. Nakikipag-usap ka sa telepono, kaya lang minsan, ang sama pa ng signal, hindi ba? Kailangan kasama 'yun sa emergency powers na ibibigay namin, yung pagtatayo ng telecommunication sites para masuspinde din yung power ng local government na humingi ng kung anu-anong permit para lamang mapatayo 'yan.

Pero alam niyo manong, dalawang araw lang ang nakalipas, nabangga kami dyan sa EDSA. Kasalanan din namin pero wala pong gasgas doon sa nabangga namin pero ang MMDA imbes na ipa-clear--wala naman pala, kunan natin ng litrato at itabi muna natin ang sasakyan--pinayagan na twenty minutes din kami doon. Finally, hindi ko na matiis, ibinaba ko na yung bintana ko. Sabi ko, alam mo, hindi ka namin tinatakasan kaya lang nakakaabala na sa traffic. Kaya dapat mayroong procedure ang mga nanghuhuli kung anong gagawin sa sitwasyon na ganyan.

AQUINO: Mabilis dapat.

FAILON: Ma'am, saan po ito banda?

POE: Alam niyo po yung intersection ng EDSA tapos Shaw Boulevard, sa papuntang underpass.

FAILON: Ma'am, nagbigay na nga ho kami ng donasyon sa HPG dati ng mga tablet kasi kasama na ho 'yan doon sa pinag-usapan e. Panahon pa po ito nung last administration e.

POE: Kaya nga, nakita ko first hand. Siguro gusto rin ng Diyos na makita ko na hindi talaga pinapatupad yung mga bagay na kasing simple ng ganoon--procedure for traffic infraction, anong dapat gawin?

FAILON: Kasi nga sa isang banggaan, sa isang masisiraan dyan, ang laki na hong istorbo. So, napakasimple ho niyan, kukunan ng picture at tabi na kayo. At saka doon po sa mga dapat po na nag-iimbestiga, meron na ho silang template e. Mabilis na ho yung checklist niyan kaya nga ho ang usapan din dati, in five minutes disposed na ho yung kaso e.

POE: Sir, hindi ganoon yung nangyari. Pero nasa liderato rin talaga, kaya ipapaalala ko rin kay Chairman Orbos yung kanilang reinforcement training, mukhang wala. Yung MMDA, kung hindi ko pa ibinaba yung bintana para sabihin, ano bang nangyayari dyan, tsaka lang kumilos talaga. Kasi parang nung nakita niya, parang medyo natawa na-wala namang gasgas...

Anyway, so iyon po ang mga practical na bagay na pwedeng gawin sa mga pagkakataon na iyon, ipinapaalala din natin sa MMDA. Lagi naman kaming nag-uusap, siguro ma-obserbahan nga na, please gawin nila iyon. Pero sa emergency powers, sa ating mga kababayan, ako ay humihingi rin ng paumanhin. Ginagawa natin ito, para sa inyong lahat--lahat po tayo ay nakakadama dito, kaya lang iyong iba ay iba naman ang kanilang mga layunin. Iyon ang nakakalungkot.

FAILON: Mukhang ma'am sa inyong kuwento sila na rin ho ang nagpaparamdam sa atin na hindi naman natin kailangan ng emergency power. Ang kailangan lang ay emergency common sense.

TONI AQUINO: Oo nga. At saka iyong to strictly implement and effectively implement the existing laws.

FAILON: Maganda ang tanong ni Toni kay Senator Grace.

POE: Oo nga, Toni. Pero, nakita naman natin ang common sense parang common station, kulang.

FAILON: Ma'am, you're going to investigate on Monday right?

POE: Yes.

FAILON: We'll be watching po and we'll find out kung saan po ito pupunta, kasi ma'am ngayon it's becoming more complicated.

POE: Di'ba mayroon pang solusyon na iyong dating common station ang gagamitin. Pupuwede pala iyon. Temporary daw.

AQUINO: Bakit hindi pa gawing permanente?

FAILON: Madam Senator Grace Poe, ang akin lang din po namang suggestion habang kayo ay natatraffic, diba mayroon kayong driver? Ang pinakamaganda po, matulog kayo ma'am.

FAILON: Paggising mo--

AQUINO: --siguro naman nandoon na siya ano?

FAILON: Paggising mo, andito pa rin tayo?

POE: Kaya nga sa ating magigiting na mga driver, hindi ba iyong araw-araw na hamon na hindi ka mabangga, makarating ka sa pupuntahan mo, hindi talaga madali.

AQUINO: Pero alam ninyo kasi Senator, ramdam na ramdam ko yon because I drive myself to work. Pauwi ng bahay. Nararanasan ko talaga iyong--alam mong napapamura ka na.

FAILON: Ang feeling nga po ni Ma'am Toni kasi, ma'am Grace kasi nga ngayon po na in the light nga na ito ho tataasan nga ho iyong maraming bagay na buwis, right?

AQUINO: Oo.

FAILON: I mean, at the end of the day babalik ka sa governance e.

AQUINO: Oo, iyong ibinabayad mong buwis

FAILON: Sabi nga ni Senator Grace, do we deserve this kind of pangyayari sa buhay? And then, may karagdagan pang mga buwis. At the end of the day, doon pa rin po pupunta sa, may gobyerno ba?

POE: Well, mayroon naman pero kailangang magtulungan lamang tayong lahat. Iyong mga desisyong political siguro talagang kailangan ng kaunting pagmumuni-muni na ito ba ay ginagawa para makaangat ka o para maiangat mo ang taumbayan, iyan ang pinakahamon sa amin palagi.

FAILON: Okay, sige po Madam Senator we will be calling you after your committee hearing on Monday to find out nga ho itong common station na ito na napakatagal nang pinag-uusapan.

POE: Sige po manong. Muli, magandang umaga sa inyong lahat.