HIGHLIGHTS OF THE JOINT EXPLANATION OF THE BICAMERAL CONFERENCE COMMITTEE REPORT ON THE DISAGREEING PROVISIONS OF SENATE BILL NO. 1629 AND HOUSE BILL NO. 172 OR THE "FIRST-TIME JOBSEEKERS ASSISTANCE ACT"
Senator Joel Villanueva

Mr. President, I have the honor to report to the body the Bicameral Committee Report on Senate Bill No. 1629 and House Bill No. 172 or the "First-time Jobseekers Assistance Act".

Instead of reading the Joint Explanatory Statement of this Bicameral Report, may I be allowed to present the highlights of the reconciled bill and the Joint Explanation be inserted and considered read into the record.

Malaking tulong po ang panukalang batas na ito na mag-e-exempt sa mga bagong graduate at unang beses pa lang mag-apply ng trabaho sa mga bayaring may kinalaman sa mga pre-employment documents.

Kasama po sa mga inaprubahan ng bicam ang police at NBI clearance, barangay clearance, birth certificate mula sa PSA, marriage certificate, transcript of records mula sa mga SUC, tax identification number o TIN, unified multi-purpose ID o UMID card, at medical certificate mula sa mga public hospital.

Kapag naging batas, libre na po o walang babayaran ang mga fresh graduate at first-time jobseeker sa mga binanggit kong mga dokumento.

Kapag pinagsama-sama po ang gastos para sa mga pre-employment document, mahina po ang 2,000 pesos at mabigat po 'yan, Mr. President, para sa isang fresh grad na kahit pa sabihing graduate na, ang totoo, financially dependent pa rin po siya sa kaniyang mga magulang o kaanak.

Sa pag-aaral po ng Asian Development Bank na tugma naman po sa mga ginawa nating mga Impact Evaluation Study noon sa TESDA, ang school-to-work transition ng maraming kabataang Pinoy ay one year po kung college graduate at six months to one year naman kung tech-voc graduate. Iyong mga school leaver o drop-out, three years po silang tambay bago makapasok sa trabaho[1].

Isa po sa mga dahilan ng mahaba nilang paghihintay ay ang pag-kumpleto ng mga dokumentong hinahanap ng mga employer.

Mr. President, kapag hinayaan po nating tambay ang mga fresh grad dahil hindi sila agad makakuha ng mga dokumentong hinahanap ng mga employer, mas lumalaki po ang tyansa na manakaw sa kanila ang mga trabahong napupunta lang sa mga illegal national.

Kaya maraming salamat po sa ating mga kasamahan sa bicam at sa lahat po ng miyembro ng Senate Committee on Labor lalong lalo na po ang mga nag-sponsor at nag-co-author ng Senate Bill 1629: Senator Sonny Angara, Senator Grace Poe, Senator JV Ejercito, Senator Nancy Binay, Senator Antonio Trillanes, Senator Loren Legarda at Senator Leila de Lima dahil malaki po ang magagawa ng panukalang batas na ito para makuha agad ng mga Pilipino - na world-class ang galing, ang mga trabahong sa kasamaang-palad ay napupunta lang po ngayon sa mga banyaga.

With the aforesaid, Mr. President, I MOVE FOR THE ADOPTION of the Bicameral Conference Committee Report on the Disagreeing Provisions of Senate Bill No. 1629 and House Bill No. 172 or the First-Time Jobseekers Assistance Act.

Thank you very much and God bless us all.