Press Release
December 14, 2018

TRANSCRIPT OF SEN. GRACE POE'S INTERVIEW
dzMM with Ted Failon
Dec. 14, 2018

TED FAILON: Atin pong kausapin, ang chairperson ng Senate committee on public services, though naka-break na ho ngayon ang ating Kongreso, Madam Senator.

SEN. GRACE POE: Good morning, Manong Ted...

...

FAILON: Ito po muna, Madam Senator, nagkaroon po kasi ng aberya ang MRT-3. In all fairness po naman at medyo dumalang-dalang na ang aberya niya. Pero, ang reklamo po ng mga mananakay, Madam Senator nga ay 'yung siksikan doon sa mga bagon. Ma'am, hindi ho ba nag-testing sila ng dalawa doon sa 48. Tama po ba?

POE: Oo.

FAILON: Sa inyo pong mga ginawang pagdinig diyan at saka 'yung oversight po na inyong ginagawa, ano na ho ang estado ng report sa inyo ng DOTr, ayaw ho nila sumagot sa amin, dito po sa Dalian trains Ma'am.

POE: Ganito po, sa ating mga kababayan, 'yang Dalian trains na 'yan 2014 pa 'yan dapat. Ngayon, dapat 16 trains ang tumatakbo na; pero sa ngayon dalawa pa lang ang tumatakbo at test pa lamang po. Kapag sumakay kayo diyan, actually kasama kayo sa testing na 'yan. 1,000 kilometers dapat ang itatakbo niyan. Ang ikinagagalit natin, unang-una napaka-delayed na po. Delayed na nga tapos tayo pa ang nagte-test. Dapat bago natin kinuha sa China, nakalagay sa kontrata, tinest na nila 'yan ng 1,000 kilometro. Pero dito natin ginagawa ngayon kaya nade-delay tayo.

Pangalawa, alam ninyo kung 2014 pa dapat iyan, 2015 inumpisahan na ang airport sa Cebu, ngayon ay buong-buo na; samantalang ito train lamang ay hindi pa nila ma-i-deliver ng kumpleto. Ang sabi ng TUV Rheinland--'yung independent audit company na nagche-check kung safe ba talaga ito--ang sabi nila, iyong timbang daw ng train ay overweight kapag empty pero kapag may laman nang tao, hindi na overweight, puwede na daw. Alam mo nakakalito 'yan, Manong. Pero ang sinasabi nila, kapag ini-estimate ang average weight ng mga Pilipino na kahit na magsiksikan pa siguro sila sa mga train ay kaya naman pala. Okay so dahil dito ay hindi natin ibinalik ang mga train sa kanila. Kaya lamang, ang tagal-tagal at sinasabi ko nga ay hindi ba dapat umpisa pa lamang ay pumili na tayo ng kumpanya na magaling, na hindi tayo naiisahan kasi P3.8 billion po ang kontrata diyan. Sa halagang gano'n ay hindi ba dapat ngayon ay napapakinabangan na natin ito sa apat na taon o tatlong taon na itinagal nito. Kung ang mga trains po na iyan ay tumatakbo na ng maayos, ang hihintayin na lamang natin sa pila ay dalawang minuto kada dating ng train. Sa ngayon po, ang average ay ang tagal tagal ng paghihintay natin dahil sa kulang ang ating mga bagon.

FAILON: Opo, 'yan nga po ang ating concern kaya nga po kami natawag sa DOTr para kumuha ng update dito. So, in the meantime ma'am, ganoon pa rin po ang estado nito iyon pong dalawa ho 'yong na-test nila ay 48 LRV's ito. Iyong 46, hindi ba four years na ho nating hinihintay as in ang kanyang status ay inaayos pa rin po ito para mag-match sa ating system?

POE: Ganoon po. Kasi ganito po, 48 coaches po iyan. Ibig sabihin parang kung ang dalawang train na pinapatakbo, tig-ta-tatlo kasi sa isang train, so parang anim na coaches ang napagkabit-kabit nila. Pero Manong, medyo matagal kaya 'yung sa dating DOTC, nagyayabang iyong ilang mga kaalyado nila, sinasabi 'tingnan niyo puwede naman pala, bakit pinipintasan daw natin?' Pinipintasan natin kasi una, noong dumating iyan, kulang-kulang. Pangalawa, siguro naman ang apat na taon ay hindi naman risonableng haba ng panahon para hintayin ang mga iyan. Sabi ko nga, ang napakalaking airport sa Cebu, natapos ng tatlong taon, aiport po iyon; itong mga trains na in-order natin na dapat ay salpak na lamang iyan pero hindi iyon ang nangyari.

FAILON: Yes, ma'am. Ito nga ngayon po parang wala tayong choice but just to suffer and wait kung kailan ho nila ma-ide-deliver po para mapakinabangan iyan. Madam Senator, itong PITX, Ma'am matanong ko lamang po kayo. You had some hearings on this at ngayon po ay tuloy pa rin po ang reklamo ng ilang operators from the South. Para po kasing hindi makuha iyong purpose ng PITX; parang hindi po nangyayari. Ma'am, go ahead.

POE: Manong 'di ba nag-uusap tayo noon na malaking kabawasan kung iyong ilang mga provincial buses natin ay hindi na dumadaan ng EDSA. Hindi ba 'yan naman talaga ang pakay niyan. Katulad din sa ibang bansa na progresibo ay dapat ligtas ang mga kababayan sa pagsakay at pagbaba ng mga sasakyan. Para mayroon tayong magandang hub na diyan sa Parañaque, iyong PITX nga. Ang problema, ang ginawa nitong DOTr--dapat lahat ng mga bus ay titigil diyan--ang ginawa nila ay nagbigay sila ng exemption sa mga 150 something buses. Ngayon ang mga maliliit na operators ang sinasabi, 'teka muna bakit 'yung 150 plus na 'yan ay binigyan ninyo ng exemption na makapasok na tuloy-tuloy sa Metro Manila, kami, hindi?' Ngayon, wala nang sumusunod sa DOTr at sa LTFRB. Lahat sila kolorum na, dire-diretso na sila kasi siyempre 'yung mga pasahero doon sa Cavite o sa Laguna sasabihin na 'ayaw ko na tumigil ng PITX, gusto ko diretso na ako.' At ayaw din nila tumigil, Manong, sapagkat ang LTFRB ini-naugurate nila yung PITX din, hindi nila inayos ang pamasahe, ang fare matrix. Dapat mas mura na ang pamasahe magmula--kunyari ng Laguna--papuntang PITX sapagkat pagdating ng PITX bababa ka diyan at sasakay ka ng city bus.

FAILON: Another commute.

POE: Oo, another commute. So naturally kailangan mong bawasan talaga ang pamasahe at alam ninyo Manong, ang mga drayber hindi sila nagrereklamo, ang gusto nila 'yung maayos na sistema; okay sila na babaan ang pamasahe basta lamang patas ang labanan. Ang ginagawa ng DOTr na ito: pinapalitan nila ang regulasyon sa gitna ng laro, changing the rules in the middle of the game; at nagbibigay sila ng unfair advantage sa iba. Kaya para sa ating mga pasahero, ang iniisip po natin kung anong magiging madali. Kapag pumunta kayo ng PITX napakaayos ng sistema doon at 'yung mga--kung naging makatotohan lamang ang LTFRB, dapat sinabihan na lahat ng public utility vehicles na nakaabang na doon pagbaba ninyo para madali kayong makakalipat sa pupuntahan niyo at hindi na siksikan at ligtas kayo. Pero alam mo, parang masamang pakinggan, pero talagang may pinapaboran ang DOTr. Tapos, Manong, may video kami kung saan ang isang USec. ng DOTr hinarap ang mga bus drivers at pinagmumura sila, hindi 'yan ang konsultasyon na sinasabi, basta ang sinasabi 'kayo wala kayong ginawa kung di magsumbong sa media,' parang ganoon, hindi naman dapat ganoon ang pakikitungo sa ating mga kababayan.

FAILON: Puwede ba naming malaman kung sino yun?

POE: Papadala ko po sa inyo, tingnan niyo na lang kung may basehan.

FAILON: So ma'am ano po ang magagawa ninyo, kayo po Ma'am dito ho sa mga binanggit po ninyo na maaari hong pagkukulang o pagkakamali ng DOTr. Ma'am, kayo ano ang inyong maitutulong as a senator?

POE: Sabi ko ganito po, 'yan ay isang bagong konsepto nga dito sa ating bansa, kailangang mag-run sila ng mas maraming test. Papaano mapapagaan, hindi puwedeng 'bahala na basta exempted itong mga buses na ito para wala ng magreklamo,' hindi puwede. Dapat kung ano 'yung unang layunin niyan na diyan titigil; give it some time, test it kung anong magiging resulta nito. Ang ginawa nila, one week pa lang nagbigay na sila ng exemption. Ang gagawin ko na lang 'pag nakita natin na hindi man lang susubukan ng DOTr na gawin 'yan, kailangang magsampa ng kaso laban sa kanila. Dahil noong aming budget hearing talagang piniga ko sila. Alam mo Manong, hindi sila makasagot sa napakaraming tanong kung papaano nila ginagamit ang pera nila. Alam mo, 'yung budget na binibigay sa DOTr napakalaki; alam ninyo kung magkano lang ang ginagastos nila? 25 percent lamang ng alokasyon nila, so talagang hindi napupunta sa mga programa na makakatulong sa ating mga kababayan.

FAILON: Sige Ma'am. Ma'am ito lang po, sa inyong pagbabalik ng sesyon, I'm sure kasi kayo po ay nagpapatuloy sa inyong oversight function dito sa mga proyekto ng MRT kasi nga po as committee chair ng public services. Mayroon po tayong update dito sa common station ng MRT-3, MRT-7; Ma'am ang latest po na aking natanggap na report ma-de-delay po ito kasi na-delay ng 6 years so ngayon po ongoing yung construction but the MRT-7 and MRT-3 common station may problema daw ho kasi liliit na siya; kasi 'yung kanyang supposed-to-be tatayuan mayroon isang stakeholder doon sa mga nandiyan po diyan na commercial area, nag-construct na ho siya, kinain na niya yung area po na pagtatayuan ng common station. Kaya ang sabi ng mga nagpaplano, babaguhin na naman ang design, liliit 'yung common station, at the end of the day talagang ang malaki yung mall.

POE: Alam niyo Manong ibigay niyo sa akin in private kung sino 'yan. Ang mahirap kasi 'yung attitude nating kanya-kanya. 'Yan talaga 'yung malungkot kasi imagin-in ninyo, kung maganda yung common station na 'yan, ang ating kababayan makakapamili kung saan sila pupunta na mas mabilis ang biyahe. Bakit naman nila sari-sarili, lahat naman magbe-benefit diyan; lahat ng malls hindi lang naman iisa. 'Pag nagkaroon ng aberya, lahat din sila apektado. Hindi natin puwedeng palagpasin po 'yan sapagkat 'yan po ay para sa kapakanan ng mas nakararami at hindi lang ng iilan na mayayaman.

FAILON: Ma'am I'm sure kapag napatawag dito sa inyong oversight committee hearing mayroon pong matutulala, baka hindi alam ng DOTr ang ginawa na ito. Ngayon 'yun daw, ang magiging result nito ay another delay sa opening po nitong MRT-7, 'yan po ang warning sa akin ng mga nakausap.

POE: Napakatagal na, nakakainis na. Sige po Manong makakaasa po kayo na hindi po natin titigilan 'yan.

FAILON: At ito pa po Ma'am pahabol pa ng mga texters, yung mga escalator ng MRT baka puwede daw ho tawagan itong mga taga-DOTr, inutusan niyo pa si Senador dito, sira daw 'yung mga escalators, 'yung atin daw mga seniors lalo na nagrereklamo na sira ang mga escalators.

POE: Tatawagan po natin sila ngayon mismo, sana magawan nila ng paraan agad. Maraming salamat po sa pagreport sa atin.

FAILON: Ma'am mabuhay po kayo and Merry Christmas.

POE: Merry Christmas sa inyo ni DJ Cha Cha.

News Latest News Feed