Press Release
September 17, 2018

ARAL AT BABALA
*Pahayag ni Akbayan Senator Risa Hontiveros sa ipinataw na guilty verdict kay dating Major General Jovito Palparan

Magsilbi sana itong babala sa lahat ng extrajudicial killers at human rights abusers. Maaari ninyong pansamantalang takasan at taguan ang panawagan ng pananagutan, maaari ninyong bayaran at suhulan ang inyong pansamantalang kalayaan, maari kayong magtago sa likod ng makapangyarihan, pero mahahabol at masusukol pa din kayo ng pag-uusig ng kasaysayan at katarungan.

Ang lahat ay may kabayaran. Magsilbi sana itong aral sa lahat ng sangkot sa sistematikong pamamaslang ng ating mamamayan, gumagahasa sa ating demokrasya at pilit tayo isinasailalim sa diktaturya.

News Latest News Feed