Transcript of Sen. Grace Poe's Interview
dzMM with Ted Failon

Ted Failon: Good morning Ma'am.

Sen. Grace Poe: Good morning Manong Ted.

Ted Failon: Amin pong napakanayam kahapon si Atty. Lizada and lately po, napag-usapan nga namin dito yun pong, dumarami na ho itong, after ng pag-absorb ng Grab sa Uber, so ngayon po marami na pong nag-aapply ng TNCs and eventually nga po itong mga TNVS na nakakabit sa mga TNCs na ito. Ma'am doon po sa AO, I'm sorry Department Order ng DOTr, ipinauubaya sa LTFRB ang implementasyon pero doon klaro po naman na kinakailangan ng enabling law. Ma'am, yun po yung enabling law niyo Ma'am diyan sa Senado, kamusta po Ma'am tungkol sa TNCs and TNVS?

Poe: Alam niyo, matagal nating hinihintay kasi yung datos mula sa iba't-ibang TNVS at sa LTFRB, ayaw naman nating gumawa ng batas na mas pahihirapan pa yung ating kababayan, pero pagresume ng aming session, kasi magpapatawag na naman kami ng isa pang hearing para masemento na nga itong gagawin nating mga bills na nakahain. Ang problema kasi ngayon Manong, bigla na lang bumitaw itong Uber, in-absorb nga ng Grab pero kulang pa rin ang suplay ng TNVS. Gayunpaman, may mga gumawa na rin ng mga hindi magandang hakbang, tulad niyan kung magkakaroon ng monopoliya kaya mabuti at maraming nag-aapply ngayon kasi importante rin ang kompetisyon. Yung mga bagay na 'yan, kailangan din ilagay, katulad niyan, hanggang ilan ba ang papayagan natin, sa present nating mga kalsada, kung magdadagdag ba tayo ng iba't-ibang modes pa ng transportation katulad ng train, hanggang saan ba itong TNVS na papayagan natin.

Failon: Sige po Ma'am. Kayo ho ba mayroon pang ipapatawag na pagdinig tungkol dito?

Poe: Oo kasi, unang-una dito, yung nangyari na parang, yung price adjustment na dinagdag nila, yung P2 sa surge dahil sa traffic. Naintindihan naman natin 'yun, kaya lamang hindi naman pwedeng basta basta sila magpapatong ng mas mataas na pamasahe ng hindi naman nila pinapaalam sa publiko. Alam natin ang problema din ng mga drivers niyan. Ang problema kasi Manong Ted, 600,000 ang bookings araw-araw para dito sa TNVS pero ang available lang 45,000 drivers at the most, so talagang may kakulangan. Marami ngang nagsasabi na palagi na lang silang hindi nakakabook so obviously may pangangailangan. Ayaw naman natin sa gobyerno na palagi na lang tayo gumagawa ng batas na hindi naman talaga nakakatulong kaya itong mga bagay na ito lalung-lalo na mayroong kasama dito na mga algorithms na sinasabi nila sa pag-compute ng pamasahe. In short technology-based at demand-based. Kailangang balansehin, pero ang sinasabi ko mas mabuting maraming kompetisyon sapagkat kung iisa lamang ang pinakamalaking provider, alam natin na mamanipulahin talaga nila ang presyo at hindi naman iyon makatarungan sa ating mga pasahero.

Failon: Yes ma'am, para balansehin po ninyo ang pangangailangan, yung supply and then yung competition kasi baka naman po mamatay na po sila eventually sa tindi po ng kompetisyon, at yung mga locals dito na mahina-hina o maiksi ang lubid ay magsarado. Pero ma'am ito lang ho sana, I hope you consider this sa inyo pong next hearing. Baka lang ho pwede pong madirect lang po ang usapin din sa ano ba talaga ang orihinal na business model nito, itong TNCs. I-connect natin iyon dito po sa reklamo po naman ng traditional po na public transport natin na hindi ho level ang playing field.

Poe: Tama, lalo na kung may fleet.

Failon: Yes ma'am, may fleet, 'di ho ba ma'am. Kung ikaw kumuha ka ng prangkisa, mayroon kang investment, inutang mo rin sa bangko iyan, may investment ka sa iyong talyer, may HR ka at manggagawa, may garahe ka, etc., tapos hindi ka pwedeng mamili ng pasahero, hindi ka pwedeng mag-overcharge, may kaukulang multa. Pero ngayon, mayroon pong bumili ng kotse, pinamamasada po nila bilang TNC at may mga TNVS sila, tapos iba ang treatment ng LTFRB sa kanila, iba ang treatment po dito sa traditional. So tama din po naman sa pagsasabi na parang di ho yata patas ang tingin po ng gobyerno sa kanila.

Poe: Kaya nga, alam mo itong bagong phenomenon na ito, kahit naman sa ibang bansa iyan din ang nagiging problema, yung mga may tamang insurance, yung mga may binibiling prangkisa para sa mga taxi nila na mas mahal ay nagrereklamo rin kaya lang dahil nga sa pag-evolve ng panahon, nag-iiba ang demand, nag-iiba ang pangangailangan, kailangan talaga ang gobyerno, kapag papasok, hindi para pahirapan kundi ayusin lang na patas at mayroong kaukulang probisyon, kasi talagang kulang. Kung gusto nila talaga ng TNVS yung iba, mas mataas ang binabayad for the convenience so yun yung mga bagay na--hindi talaga madali Manong. Talagang public transportation siguro yung tapusin na ng ating gobyerno yung mga proyekto, na tapusin na yung subway o kaya yung ating mga kalsada bilisan ang pagcoconstruct para naman yung mga bagay na ganyan mas lumuwag-luwag din ang traffic at mabawasan.

Failon: Ma'am huling punto po lamang kailan kaya po ma'am ito matatapos? Bago ho kaya magbreak kayo? Bago maghalalan?

Poe: Sana naman po. Ako ay nag-iisa dito pero sa tulong ng ating mga kasama sa Senado ay sana maipasa na agad ang batas na ito bago magkagulo pa ng 2019...

Failon: Yun po ang aming concern ma'am, nauunawaan po namin ma'am kasi kapag nagsimula na ang filing ng Certificate of Candidacies, everyone will be busy, baka po hindi na ito makalusot at abutan pa ito ng 18th Congress na.

Poe: Yun na nga, kaya lang minsan yung datos na hinihingi natin, hindi na nila nabibigay...

Failon: Ma'am Senator, abangan po namin ang inyong next hearing tungkol dito, at sana nga po, yung inyong counterpart sa House kami din po ang magfafollowup ma'am para mas bumilis.

Poe: Sige po, maraming salamat.

Failon: Mabuhay po, thank you.

Poe: Magandang umaga po muli.