Press Release
October 2, 2017

Transcript of Ambush interview of Senate President Koko Pimentel III

On the Ombudsman

SP Pimentel: Kanino sila pwede tumakbo? Syempre sa Executive Branch. Therefore, may kapangyarihan ang Executive Branch na may gawing hakbang para ma-address ang hinaing ng taongbayan, ang grievances ng taongbayan. Pero, kung pwede bang patalsikin ng Executive Branch ang Ombudsman sa kanyang pwesto, hindi pwede. (Inaudible) idaan sa impeachment. So ang nakikita kong possibility nito, kung hindi kikilos ang Congress, ang Executive pwedeng mag-investigate, at kung ang findings nila ay laban mismo sa Ombudsman, sa pinuno ng Office ng Ombudsman, kailangang ipasa niya ito sa Kongreso. Kung disciplining ang kailangang gawin, Pero kung kunyari ang findings ng Executive Branch ay merong liability o accountability yung lower than the Ombudsman, pwede na pong i-refer yun sa proper body. Hindi na yun sa Congress.

Q: Kung impeachment, ibig sabihin pwedeng mga Kongresista na lang, o Senador, o kahit sino? Kahit citizen?

SPKP: Kailangan citizen na pupunta sa Congress. Walang Congressman o member of the House of Representatives na willing i-endorse yung complaint, di walang gagalaw. Let us say, palakas na ng palakas yung ugong, yung hinaing ng taong bayan na may mga nangyayari sa opisina na yan, saan sila pwedeng tumakbo? Pwede silang tumakbo sa Executive Branch.

Q: Sinong opisina under the OP or the Executive ang pwede?

SPKP: If they run to the President, the President can create a panel, a council, a body, within his office to investigate. Then ireport-out na lang niya yung findings niya.

Q: Doon pa rin dadaan?

SPKP: Oo kasi ang grievance ng tao, kailangan meron silang matakbuhan. Hindi pwedeng may institution or opisyales ng gobyerno na hindi ka makatakbo kahit kanino. Yun po yung logic doon.

Q: Pag lower than the Ombudsman?

SPKP: Pag lower than the Ombudsman, hindi na po impeachment yun. Only the ombudsman. Pag lower than the Ombudsman, Makita niyang pwede ng magdevelop ng kaso, file na ng kaso sa Sandiganbayan. Kung graft case.

Q: Kung deputy?

SPKP: No, they are not impeachable, only the Ombudsman.

Q: Is this a Constitutional crisis?

SPKP: Wala naman. Syempre except that yung findings ng Executive Branch, nung nagform siya ng Executive Body at ipasa niya sa Congress at wala pa ring mag-endorse na Congressman sa kasong iyon, wala ring paroroonan pagdating po sa disciplining the Ombudsman.

On the postponement of the barangay and SK elections

SPKP: Ang postponement ng barangay elections, settled issue na po yan sa Kongreso. Pinirmahan ko na po yung tinatawag na enrolled bill, ibig sabihin nun, kulang na lang ang pirma ng Presidente, then publication. Ang sinabi naman namin sa Bill namin it is effective immediately upon publication, para guided na yung Comelec. Pagka-napublish na yan, tigil na po lahat ng preparations ng Comelec sa barangay elections kasi postponed na talaga yan.

Q: Pero dahil wala pong complication, okay lang po ba itong ginagawa ng Comelec?

SPKP: Syempre, talagang ganun. Kailangan official parati ang sources ng Comelec, kasi tandaan mo, may magkaroon ng panukalang batas na i-veto ng Presidente, tama? Pero dito, hindi namin fino-foresee na ivi-veto niya kasi cinertify niya na urgent ito. So, ineexpect po natin na normal ang pagtakbo nitong Bill na ito. It will be signed by the President.

On former Senator Aytona

SPKP: The late Senator Aytona, umabot sa 99 years of age pero unfortunately hindi ko siya na-meet nung buhay pa siya so hindi kami nakapag-usap. Pero sa pagbasa ko ng kanyang life story, yung konsepto ng price control o essential goods, sa kanya nanggaling. Even yung rent control law, sa kanya din nanggaling yun. Yung salary standardization, ginawa niya sa isang ahensiya ng gobyerno. Yung pagtaas din ng sweldo sa Bureau of Post, ang creation ng Bicol University, kanya rin yung idea nun. At saka even yung scholarship, yung student loans facility, kanyang idea rin yun. Napakaraming ideas na binuo ni former Senator Aytona way back in 1965 to 1971.

On President Duterte not submitting to the Ombudsman

SPKP: Si Presidente is like the Ombudsman, they are both impeachable officials. Theoretically, tama si Presidente that no one has jurisdiction over him except Congress and then Senate. Congress to impeach him, Senate to try him. Theoretically, he is correct.

Q : Just like when the Ombudsman is not under the President?

SPKP: Oo. Pero ang problema kasi, ang sa salita ng Presidente, he has issue not only against the Ombudsman, but the entire office of the Ombudsman. Siguro marami siyang naririnig na mga feedback about the corruption na binibili ang mga if ever, ang mga decisions doon. Let him investigate. Let's allow the Executive branch to investigate the Office of the Ombudsman.

Q: Tama po ba na sabihin ng Ombudsman na hindi naman immune from investigation ang Presidente?

SPKP: Tama din yun. Balik din naman yun sa Congress. Pero hindi naman ibig sabihin na yung impeachable official ay obligadong mag-cooperate. Wala rin yun. Tama silang pareho. No one is immune from investigation, but the President is immune from suits, from cases, except an impeachment case, but the President is also not required to cooperate with this investigation ng Ombudsman.

Q: Congress can investigate?

SPKP: Yes, for impeachment purposes. And then after impeachment, you can file all the cases that you want.

News Latest News Feed