Press Release
August 10, 2016

TRANSCRIPT OF SEN. ANGARA'S AMBUSH INTERVIEW

Q: REACTION LANG SIR SA STATEMENTS NI PRES. DUTERTE REGARDING MARTIAL LAW. WHAT IS YOUR REACTION ON THAT?

SJEA: Well, sabi nga ni Sec. Andanar, rhetorical question lang yun. Sinasabi lang niya bilang isang executive, kailangan mabilis ang kilos para kapag hinadlangan siya ng ibang ahensya, siguro yun ang last resort niya. Pero hindi naman ako naniniwala na he will resort to it. In fact, habang nagsasalita siya ay meron tayong Senate hearing on emergency powers. Ito, hindi naman ito sa droga kundi sa pagreresolba sa traffic issue. Hindi ako naniniwala na magkaka-martial law. I don't think it's a serious remark.

Q: PERO SIR YUNG STATEMENT NIYA IN THE PAST NA PARANG HE ACTUALLY FOLLOWED THROUGH...

SJEA: I don't think people should be alarmed because when you say we might have martial law in the Philippines, there are effects in the market; there are effects on investors decisions. So I think, we should not overplay with what I think what was not meant seriously.

Q: SAFEGUARDS ON A POSSIBLE ABUSE OF EMERGENCY POWER?

SJEA: Limitations to bidding--kailangan naka-specify sa batas kung ano yung types. Dapat alinsunod din sa government procurement act. Hindi naman kailangang mahabang-mahaba pero meron pa rin yung elementong kompetisyon, di ba? Kapag kasi isa lang ang kausap mo, di mo talaga alam kung ano yung presyong ibinibigay nila sayo. So ang talagang gusto natin hindi malugi ang gobyerno. At naniniwala naman tayo na kayang gawin yan ng pamunuan ng DOTr. Ang importante dyan, open to the public. Sabi nga niya compliance sa FOI, so makikita ng tao na hindi nalulugi ang gobyerno. Yan ang importante. Siguro periodic report. Dapat may report din yan buwan-buwan. Anyway, may executive FOI na di ba? So, under that executive order, yung media, yung civil service groups, o kahit kami sa Senado, pwede namin hingin yung mga kontrata at yung mga pinasukan ng gobyerno.

Q: ON ATHLETES INCENTIVES...

SJEA: RA 10699 ay amendment po ng RA 9064 effective noong 2001. Wala na yung 9064. Dinoble natin yung halaga. Pag gold medal, from P5M ginawang P10M; silver medal from P2.5M ginawa naming P5M at yung bronze from P1M ginawang P2M. Tapos isinama namin yung athletes with disabilities, yung Paralympics, ganun. Tsaka yung coaches kasama. So 50% nung mapapanalunan - yung coach ni Hidilyn, makakatanggap din siya ng kalahati ng napanalunan ni Hidilyn.

News Latest News Feed