TRANSCRIPT OF INTERVIEW WITH SENATOR ANTONIO "SONNY" F. TRILLANES IV

DATE: April 21, 2016
STATION: DZIQ
PROGRAM: Banner Story
HOSTS: Jake Maderazo and Arlene Dela Cruz

DELA CRUZ: Nagti-tweet ako pero sabi ko nga tuwang-tuwa tayo nandito ngayon. Nagulat ako bigla andyan na agad s'ya. Senator Antonio 'Sonny' Trillanes IV. Magandang umaga po sa inyo, Senator.

SAFT: Magandang umaga po sa inyo, Ms. Arlene, at kasamang Jake, at sa ating mga listeners dito sa DZIQ.

DELA CRUZ: Pansin namin, ang boses mo medyo apektado na. Kelan ang huling ano mo, tawag dito, campaign sortie? Sumigaw-sigaw ka ba?

SAFT: Kahapon lang po, ano. I was in Negros region so, the whole region sinuyod namin for three days.

DELA CRUZ: Ano yung ano, pulso n'yo? Sa baba kayo ng mga kandidato na talagang face-to-face nakaka-ano, nakakakamay sa ating mga kababayan. Ano yung gusto nila? What are they asking you? What do they want from the candidates?

SAFT: Basically... Very encouraging ano, yung reception. Napakainit ng pagtanggap. Tumatapat sa init ng weather. And sa kanila, they get premium doon sa nakakadaupang-palad nila. Kasi parang...

DELA CRUZ: Handshake.

SAFT: Impression nila na parang yung karamihan ng mga kandidato ay masyado nang mataas. Hindi na ma-reach. So, it touches them na nakakasalamuha mo sila at nararamdaman mo kung ano ang nararamdaman nila.

MADERAZO: Alam n'yo, kapagka Trillanes ang pinag-uusapan, tatak kaagad, may paninindigan, kakasa, lumalaban. And 18 days before the elections, matitindi na ang mga laban na hinaharap mo. In the final 18 days, ano po ang aasahan ng taumbayan sa inyo?

SAFT: Eto, I'm trying to maximize the exposure, ano? To be honest, the past two debates helped. Naramdaman namin yan, yung awareness on the ground. Wala nang gaanong nagtatanong na ano ang tinatakbuhan? Kasi when I started the campaign, para ngang ang pagkakaalam nung ating mga kababayan, ang tinatakbuhan ko senador. So ngayon, alam na nila na vice-president ang tinatakbuhan ko. So it means a lot kasi kumbaga, sa top of mind choices nila, they didn't even consider you. And that explains kung bakit ganun yung mga surveys so far.

DELA CRUZ: So naniniwala ka din, kahit papano, doon sa survey?

SAFT: We conduct our own survey. Meron kami.

MADERAZO: Mas malaki.

SAFT: Mas malaki. Oo, so naramdaman namin na may pick-up after the two debates.

MADERAZO: But anyway, alam naman natin na Trillanes e surprise yan. Nakakulong na yan tapos everybody dismissed him. Lalo na yung mga persecutors mo na mga generals. E nagulat sila nanalo kayong bigla.

DELA CRUZ: Pero ang interpretation...

MADERAZO: Conducting the campaign even inside the prison.

DELA CRUZ: 2011 diba?

SAFT: 2007.

DELA CRUZ: Pero ang ano, ang interpretasyon nun sa panalo ni Senator Trillanes, it was a vote against the incumbent. Parang statement against Gloria. Yung pagkapanalo, parang... You represent yung, the personality na bumangga talaga sa kanya.

MADERAZO: Pero hindi naman nagbabago sa ngayon yun. Lumalaban pa rin s'ya against corruption.

SAFT: Well, that kind of reasoning, yung justification na yan, came from the pro-GMA analysts also. Parang, they are dismissing yung kakayanan, yung background. Dahil, otherwise, kung ganyan ang reasoning, edi dapat lahat kaming opposition candidates nanalo.

DELA CRUZ: Nanalo.

SAFT: Oo ano. So, I believe, yung mga kababayan natin, pag nakalabit mo sila at naliwanagan sila dun sa istorya mo, at nais nilang magrepresent ka sa kanila, edi gagawin nila. Oblivious sila about what these analysts actually say.

MADERAZO: Alam n'yo ang dating ninyo sa mga mamamayan, may barbero ako, talagang sa inyo boboto e. Ang sabi n'ya sa akin, you have information na hindi n'yo shine-share sa lahat. At kung ibu-bulgar n'yo lang, then people would be wise. Sabi nga, dati kayong sundalo. Kayo nakakulong, pero marami kayong alam na nangyayari. May mga bagay kayong nalalaman sa presidential race ngayon at vice-presidential race na hindi n'yo lang sinasabi, pero kung bibigyan lang ng pagkakataon, maraming malalaman ang taumbayan. Sa tatanungin ko na ng deretso, nagkakanya-kanya naman... How is the presidential race as you see it now?

SAFT: Alam niyo tama 'yan ano kasamang Jake. Kasi kung mare-review niyo yung kasaysayan namin, nauuna kami sa impormasyon. Naglabas kami ng impormasyon kay GMA, may mga taong hindi pa ready. Parang ano pa, kumbaga hindi nila maisip pa. Nagugulat sila.

MADERAZO: Ah ganun ba?

SAFT: Kaya hindi nila natatanggap kaagad sa unang bungad. Pero eventually lumalabas tama naman. O noong lumabas kami dun sa mga - ayan mga corrupt generals ganun din. Tapos dito kay Senator Enrile ganun din. Nagugulat sila parang ano ba 'to parang ang agresibo nitong batang ito. Kay Binay ganun din. Kaya 'yon din ang reluctant ko minsan na pagka ginulat ko sila sa impormasyon, minsan they take it negatively na parang masyado lang itong mapusok o masyado lang ambisiyoso o kung anuman na hindi nila alam. Tignan nila yung record namin. Wala pa naman kaming binangga na tama. Andoon kami palagi sa tama.

DELA CRUZ: Hindi yung wala kayong pinaghuhugutan, walang batayan.

MADERAZO: Walang batayan. Parte ng misyon niyo 'yun kung tawagin.

SAFT: So going back to the question kasamang Jake, yung derby ngayon yung presidential derby mayrong ano talaga, malakas yung wave na tinatawag para kay Mayor Duterte. Yung numero ni Senator Grace Poe ay nag-stagnate ano, so steady siya. Ang tinatamaan ay si Vice President Binay at saka si Secretary Mar Roxas. Masyadong ano, mabilis yung kalat nung balita sa baba. Pero hindi pa naman 'yan permanente kasi nakikita niyo parang ano pabago-bago yung ihip ng hangin.

MADERAZO: So nung una si Grace Poe malayo tapos ngayon si Digong naman ang malayo pero biglang bumabalanse.

SAFT: Ngayon itong si Digong biglang - nung una naaalala niyo nagda-drama sila kung tatakbo o hindi.

DELA CRUZ: Nagda-drama talaga.

SAFT: Oo. E ang lakas nung dating nun biglang nagsalita siya at minura niya si Pope. Biglang maraming nadismaya, so bumaba. Nung nanahimik doon tumaas tapos nung nagpatawa siya doon sa debate, 2nd debate. Yung pinakita kasi yung pre-debate na ano e...

DELA CRUZ: Yung ano 'yun yung supposedly off-cam.

SAFT: Off-cam. So nagpatawa siya dun, nag-stand-up comedy act siya dun na na-endear yung mga tao sa kanya na yung unang natatakot dahil minura nga si Pope parang ah okay naman pala ito.

MADERAZO: Ah okay naman pala ito.

SAFT: Oo. Ngayon naaano sila nae-entertain. Pero nga ito ang problema.

DELA CRUZ: Parang comedian ang dine-describe mo na presidential candidate.

MADERAZO: Yes, ganun na nga.

SAFT: Ganito na nga ang nangyayari yung pagpatong nitong bago ngayon, pero ngayon nakikita na nila ngayon yung mga unti-unting impormasyon na again - na unfortunately for us nakita na namin early on last year.

MADERAZO: Nakausap niyo na pala 'yon.

SAFT: Opo ano kasi last year pa lang nakausap ko rin siya. Kasi nung nag-e-explore nga April na 'to. Around April I think, e lumalabas yung balita na maaaring tatakbo siya, e ako naman tatakbo ng bise presidente. So may common friend kami nag-setup ng meeting.

DELA CRUZ: Ah nagsabi rin kayo na pwede rin kayong magtabal.

SAFT: Oo. Oo naman. Inamin ko naman 'yon. Kasi ako vice presidential candidate, I was shopping around for principal also as a prelude to the decision of the group. Ngayon ay nagkausap kami. Nung simula't sapul nagsabi siya sa'kin diretsahan, "Ay kasi hindi ako tatakbo talaga."

DELA CRUZ: So you believe him?

SAFT: Oo e ako naman 'pag sinabi mo, pinanghahawakan ko yung sinabi mo. O 'di sa'kin ganun. Nagkwentuhan na lang kami. Pero looking back, iniisip ko mukhang hindi talaga pwedeng magsama dahil yung - ano kasi si Mayor Duterte talagang nakadikit siya sa mga komunista, sa mga kaliwa. So hindi talaga pwedeng mangyari 'yon.

MADERAZO: Oo nga directly sa'yo. Ano rin...

SAFT: So ako naman, hindi ko gaanong nakikita pa 'yan noong mga panahon na 'yon kasi ngayon pa lang kami nagpo-profile sa kanya, marami kaming nakukuhang impormasyon. 'Di noong nagkukwentuhan kami mayroon siyang kinwento sa akin na medyo na-bother ako.

DELA CRUZ: Personal 'to.

SAFT: Yes. Oo. Kinwento niya sa akin na mayroon siyang... may pinaluhod siyang mga tao, binaril niya sa ulo at nagkalat pa raw 'yung utak.

MADERAZO: Sa inyo niya kinwento?

SAFT: Kinekwento niya sa akin. Ako naman, inisip ko kung sundalo siguro at gyera ang environment, ano pa 'yan may mga nawa-war shock pa nga 'di ba. 'Yung mga...

DELA CRUZ: So military siya.

SAFT: Mga militar ganyan. Pero 'yung mga mafia style execution na ganyan tapos kinekwento mo lang casually at mahimbing tulog mo, ibang klaseng tao ang gumagawa niyan.

DELA CRUZ: Mayroon akong kakilala...

SAFT: May mga diperensya... Psychotic.

MADERAZO: Oo.

DELA CRUZ: Mayroon akong kakilala taga-Davao din si Ret. Col. o Gen. Frank Talida, sa Alsa Masa siya, siya talaga 'yung namumugot ng ulo nu'ng mga sa NPA. But he doesn't talk about it in public.

SAFT: Yes.

DELA CRUZ: Siya 'yon, siya may gawa no'n.

MADERAZO: Kinekwento sa inyo?

SAFT: Ito kinekwento actually. Ngayon, dalawa 'yan; kung totoo 'yan, nako may diperensya 'to. And imagine-in mo presidente bibigyan... gagawin mo 'tong presidente. Bibigyan mo siya ng kapangyarihan ng presidente na mayor pa lang siya ganoon ang ginagawa. Sa akin, siguro naman nagbabasa tayo ng mga kasaysayan ng mga diktador sa ibang bansa. May mga pumapatay, 'yan sila, o kung sino-sino. E, we will have our own, ano. Ngayon, that's one thing. The other is kung binobola lang ako. 'Yung nagkukwento lang, nagpapabida.

DELA CRUZ: Vinalidate niyo ba kung totoo 'yon?

SAFT: 'Yon na nga.

DELA CRUZ: Kung talaga ganoon?

SAFT: Hindi, I'm taking his word for it.

MADERAZO: O nagpapabida lang siya, ano po?

SAFT: Hindi. Kung nagpapabida siya, anong klase? What kind of a man...?

MADERAZO: Ang magkwento. Kung anong klaseng presidente 'yon?

SAFT: E, bakit mo ako pinapaandaran?

MADERAZO: E, militar ka.

SAFT: Hindi naman ako 'yung...

DELA CRUZ: Hindi, akala mo ikaw ang hindi, ako rin. Hindi ba ganoon 'yon?

SAFT: Parang hindi naman ako mai-impress sa ganoon. Saka walang value 'yon. Alam mo naman where I'm coming from tapos kinekwentuhan mo ako ng ganyan, hindi ako matutuwa diyan. And I believe the people also wouldn't be happy knowing na itong kandidato nila for president ay ganito 'yung ginagawa, 'di ba? Iba kasi 'yung sinasabi mong ano ka, talagang iyong reputation lang 'yung myth. Hinahayaan lang mo mag... Iba 'yung nanggagaling sa'yo. Delikado ngayon on two fronts. 'Yan 'yung sinasabi...

MADERAZO: So 'tong mga kausap niyo, ano ang nagging conclusion niyo sa...?

SAFT: Sabi ko hindi 'to pwede maging presidente.

DELA CRUZ: Early on?

SAFT: Early on palang 'yon. Anyway, hindi naman ako 'yung nagde-decide sa grupo. 'Yung grupo ang pinili si Grace Poe so talagang doon kami. And eventually when I was being invited by Sec. Mar, I had to politely decline because dito na nga kami.

DELA CRUZ: Pinili ng Magdalo?

SAFT: Yes.

MADERAZO: So after ng meeting ninyo ni Duterte, it ended...?

SAFT: Hindi, tapos na 'yon.

MADERAZO: Pero sa isip mo hindi talaga pwede 'to?

SAFT: Oo.

DELA CRUZ: And you told Magdalo group?

SAFT: I have told my...

MADERAZO: So after nitong nagmura siya ng Santo Papa and then itong 'yung maid ginapang, and itong rape joke. So anong nabubuo ng isip mo?

SAFT: 'Yan, barya pa lang 'yan compared to that.

MADERAZO: May alam pa kayong iba?

SAFT: Hindi. Compared to what... He...

DELA CRUZ: Ako may alam na kwento pero mamaya na. Maya ko na kwento.

SAFT: 'Yun 'yon e. I'm not surprised at all kasi compared to what he told me and what we found out ay barya pa lang.

MADERAZO: Kayo po'y military na, 'di ba?

SAFT: Opo.

MADERAZO: At sabi nga namin may intelligence kayo. He told the people na in six months... three to six months tatapusin niya ang krimen at peace... 'yung ano, 'yung mga... Sa Davao City, nagawa ba niya 'yan when he was... on the past?

DELA CRUZ: Sabihin na naman niyan, ano 'yan, 'yung question na 'yan. Huwag na siyang...

SAFT: Hindi. Ganito po 'yan, ano. Tayo naman ho nakapunta na tayo ng Davao.

DELA CRUZ: Tama.

SAFT: Was Davao ever known to be a safe city? No.

DELA CRUZ: Alam mo lang na takot ka?

SAFT: Hindi. 'Yung mga ano...

DELA CRUZ: Kasi ganoon?

SAFT: Kasi ganito. Kung beautiful city lang ang pinag-uusapan, safe, pumunta ka ng Legaspi sa Albay, pumunta ka ng Bacolod, pumunta ka ng Gen San.

DELA CRUZ: Dipolog. Pumunta ka sa Dipolog.

SAFT: Kumbaga ang daming mga siyudad na you will feel safe, 'di ba. Sa GenSan lang ay 'yung misis ko taga-Gen San, iba e. Kumbaga parang hindi naman siya kilala na ganoon. Davao is another city. Doon tayo, it's one of the progressive cities in Mindanao but in the end, makikita mo rito 'yung how they build up... how they build up the myth. Nu'ng bago pa lang, nu'ng 2015 may mga lumabas na... Ito nga may isang website na crowd sourcing lang pala through votes. Binoto nung kanilang mga propagandista para maging 9th safest city 'yung Davao.

MADERAZO: Davao.

SAFT: Pero based on survey na...

DELA CRUZ: Online?

SAFT: Online. Now, walang basis whatsoever.

MADERAZO: Niyari din?

SAFT: Niyari na nila doon pa lang, early on. Parang part nung myth na mag-propagate.

DELA CRUZ: Sa madaling salita, maaga na sila nagpe-prepara.

SAFT: Oo. Remember ito, si Mayor Duterte naka-link 'yan sa mga komunista - sa mga NPA. E, alam niyo naman 'yung mga NPA...

DELA CRUZ: Pero bakit 'yung mga ano, ang Makabayan bloc ang sinusuportahan si Grace Poe?

SAFT: Sila ba talaga 'yung...?

DELA CRUZ: So, are you saying it's a front?

SAFT: No. It's a front. Hindi nila ina-ano on the ground. Alam ng mga... ayan, sa intelligence, na ang mga NPA at mga Makabayan 'yung mga operators nila ang tinutulak si Digong. So kumbaga they're getting the best of both worlds kasi una sikat si Grace Poe, nandoon si Neri Colmenares. 'Di, nakakasakay sila doon. Pero dito ngayon, sumisikat si Digong, nandoon 'yung mga komunista... Alam nu'ng mga military intelligence people na 'yung links niya about...

MADERAZO: Nasa likod naman ni Digong ang mga generals ngayon. 'Yung dating mga kalaban ninyong mga heneral nandoon.

SAFT: Kasi kailangan .

DELA CRUZ: 'Yung best friend mo, si Esperon.

SAFT: Ito namang mga 'yon. Ito namang mga retired generals na mga ito - General Esperon in particular, ito naman mga siyempre mga oportunista ito na umaasang makabalik sa puder so ito lang nakikita nilang paraan. Now, sasakay sila rito. And ito na nga, sino ba nire-represent ni Gen. Esperon? 'Di ba sila GMA? You have GMA people, doon na sa grupo rin ni Digong. So andoon na 'yung mga komunsita...

DELA CRUZ: FVR is...

MADERAZO: FVR, oo. Wala, nandoon...

SAFT: 'Yung FVR group, lagay mo ng hindi naman toxic group. Pero 'yung GMA group, nandiyan na sila Dureza, sila Esperon, Lastimoso, sino pa ba? Bebot Bello. Si Gaby Claudio nandiyan na. So kumbaga ito 'yung mga magpapatakbo rin ng gobyerno or so they think. And mayroon din 'yung Davao group, Cayetano group, kaya kumpulan na diyan ngayon. Nagkakanya-kanya na sila. So 'yun 'yung mga early on nakita na namin 'yan. In fact dito sa Inquirer nu'ng pumunta ako rito, nakita niyo 'yung mga nasa...

DELA CRUZ: Mga kasama niya.

SAFT: Oo, mga kasama niya. They're not impressive people. Hindi ito 'yung mga masasabi mong, 'Oy, ito 'yung mga repormisa, mga idealist na aayos ng gobyerno.'

MADERAZO: Sila Badaio. (Laughs)

SAFT: Hindi.

DELA CRUZ: Pero teka muna, sabihin nila, "Nako, pinaupo niyo diyan si Senator Trillanes tapos ang topic niyo ay si ano, si Duterte." Doon po sa mga nakikinig sa Banner Story, tinatanong namin si Digong hindi para ibaba siya o siraan siya kung hindi 'yung perception kasi na siya 'yung mananalo. At ang nakikita namin, this is an observation, all candidates karamihan ngayon ay nagsasalita, hindi naman against him, kung 'di para pasubalian ang mga botante tungkol sa kanya. Mayroon bang parang concerted effort o 'yung parang talagang it's a moral obligation na lang to speak about it?

SAFT: Well, it's more of a reaction than anything. Kasi nakita niyo 'yung mga candidates, kung sino 'yung lumalamang 'yun 'yung binibira. Ito ngayon, binibira. And to the credit nitong mga strategist and propagandista ni Mayor Duterte ay effective kasi nakita niyo 'yung drama nila na, 'hindi ako tatakbo.' Pero panay ang pa-interview, panay ang... Parang pinapasabik 'yung mga ating mga kababayan. E 'di nasabik. Alam nila 'yung teleserye.

MADERAZO: Behavioral ano...

SAFT: Oo. So ngayon, e 'di sumabik ano. Biglang hindi siya nag-file nu'ng deadline.

DELA CRUZ: May drama.

SAFT: May drama pero may nag-file na simple.

DELA CRUZ: May nagkamali.

SAFT: Oo. Pero nandoon na 'yon. Pero nakita...

DELA CRUZ: Siguro sinisisi 'yon ano...

SAFT: Saka nakita niyo 'yung drama dito para nga naman mag-extend na hindi pa siya bibirahin. They're able to extend it for two months kasi ang deadline was December 10. So napasabik pa nila nang napasabik 'yung mga tao. Kasi nga, may mga nakausap na ako na negosyante saka mga media groups sinasabi nila, 'bakit ito, hindi daw siya tatakbo pero may ad, may advertisement.?'

DELA CRUZ: Pwedeng sabihin supporters ang gumawa.

SAFT: Hindi ka naman... O, Kahit sabihin mong supporters gumawa e, nag-posing posing ka doon, nag-taping ka 'di ba? Why are you allowing it? Tapos...

DELA CRUZ: At saka mayroon akong kaibigang photographer, ano pa lang bago pa 'yung announcement ng urong-sulong, kinuha na siyang photographer. Official photographer.

SAFT: Kumbaga may drama. Sa akin ito, ito 'yan: nung ginawa pa lang nila 'yon, panlilinlang na kaagad 'yon. They are looking at it as a strategy but I was looking at it from a point of view of deception. Kumbaga... E alam niyo nga, again, 'yung mga komunista magagaling sa ganiyan, 'yung may setup e mayroong...

MADERAZO: Kumbaga gumagawa sila ng weapons of mass deception. (laughs)

SAFT: Opo. 'Yon, may communication plan. So maganda ang pagkalatag tapos ngayon na-extend nila. Hindi ngayon nabibira si Digong for two months until nandodoon. Kita niyo noong pinasalita na 'yon, biglang minura kaagad si Pope edi sablay kaagad. E atras sila ngayon. Re-strategize, hindi muna nila pinasalita kasi 'yung produkto nila, alam nila na flawed pero ang pinapakalat nila sa social media, sa mainstream media, 'yung myth na ito gumawa ng Davao. Teka muna, atras muna tayo. 'Yung Davao 22 years niyang hinawakan, ang taas ng krimen. Ang daming rehabilitation centers nga diyan ngayon a.

MADERAZO: 'Tsaka number one 'yan sa rape daw e.

SAFT: Number one sa rape. As in rehabilitation centers nalang, 'yan ang may pinakamaraming rehabilitation centers.

MADERAZO: Ng drugs?

SAFT: Ng drugs. So bakit? Kung walang droga diyan bakit may mga rehabilitation centers ka diyan? So 'yun 'yung mga problema. Pero 'yon, on my end, coming from the military, ang deal breaker talaga is 'yung links niya with the communist. Hindi niya tinatanggi 'yan.

MADERAZO: It will be a problem when he assumes kung sakaling manalo siya. The military will think otherwise.

DELA CRUZ: Naalala mo? Sino 'yung namatay sa Davao? Si ano?

MADERAZO: Jun Palad?

DELA CRUZ: Hindi. 'Yung ano...

MADERAZO: Si King? 'Yung negosyante?

DELA CRUZ: Hindi 'yung negosyante, 'yung NPA leader. Si ano 'to...

SAFT: A, si Parago. Commander Parago.

DELA CRUZ: Parago. E 'yun e parang you don't need any statements. 'Yun na 'yon 'yung bumaba 'yung ano...

SAFT: Bumaba 'yung NPA, pinuri niya. Pinuri niya, binigyan niya ng papugay. Ngayon, 'yung mga sundalo... Teka muna, ito nga sila General Esperon, hindi ba kayo nahihiya? Ang daming pinatay niyang mga NPA na 'yan lalo na si Commander Parago. Tapos itong presidential candidate ninyo binibigyan ng papugay? Hindi lang 'yon a, pinangakuan niya. Sabi niya ang NPA, sila Joma Sison, ng 3 cabinet seats. Ganoon.

DELA CRUZ: Is that on record?

SAFT: On record. Sinasabi na...

DELA CRUZ: Kailan niya sinabi 'yan?

SAFT: Sinasabi niya sa mga interviews. So sinabi niya o baka...

DELA CRUZ: A, 'yung invitation niya for a unity government?

SAFT: Oo. Makakatungtong daw sa Malacañang ang NPA. Kumbaga maliwanag na 'to. Hindi sinasabi na sa atin directly but 'yung myth nangingibabaw, 'yung mga supporters niya tend to gloss over itong mga impormasyon na 'to kasi nga nadala sila doon sa, ano daw, kamachohan, sa ano... Hindi nga e, nakita niyo nga pabali-baliktad nga ng statements. Hindi mo mapapanghawakan 'yung salita nito.

MADERAZO: Si Arlyn, may experience ito. (laughs)

DELA CRUZ: Oo nga. 'Wag mo na ulitin, baka balikan ako e, 'di ba? Pero teka muna. Si Bryan Cruz, member mo raw siya sa Magdalo diyan sa Marikina Chapter pero may nagpapatanong. I think this is a very good question. Bakit hindi niyo raw imbestigahan ni Cayetano ang adminstrasyon ni Mar Roxas sa senado o 'yung kaniyang posisyon na hinawakan sa gobyerno? 'Yung pondo ng Yolanda nasaan? 'Yung issue ng MRT, si Vitangcol ang sinisisi samantalang si Roxas ang kalihim noon ng DOTC? 'Di ba may last words siya doon? Kumbaga parang mas may lasting legacy daw, on your part, kung iimbestigahan niyo si Mar Roxas.

SAFT: Okay. Ganito po 'yan. Kami po sa senado, may kaniya-kaniya kaming committee. Kami, naghahandle kami ng kung anu-anong imbestigasyon. Iniimbestigahan na po 'yan ni Grace Poe at nakita naman na may mga recommendations si Grace Poe. So kumbaga hindi na namin kailangang papasukan 'yan. Ginagawa naman na, at tama naman. Kumbaga kung nakita namin na whitewash 'yung ginagawa edi doon kami papasok. Pero hindi naman, ano? The investigation conducted by Senator Grace Poe was very objective tapos talagang nilabas niya. Wala siyang kinatigan.

MADERAZO: Balikan ko lang, kasi sinasabi mo marami pang lalabas tungkol kay Digong and I think you're pulling back.

SAFT: Yes.

MADERAZO: Mukhang nagpu-pull back e. Ang binitawan niyo lang is that if Digong wins, kumpirmado niyo na na konektado na siya sa mga komunista. Parang ganoon ang dating sa akin. And then sinasabi niyo na baka maglagay pa siya ng tatlong cabinet. And the people do not know that. Ang alam ng tao federalism siya and then pro-Muslim and all those things ganiyan ganiyan.

SAFT: Actually sinasabi niya 'to sa media. Hindi mo na kailangan mag-ano e kasi sinasabi niya magde-declare siya ng revolutionary government. Ganoon. Lahat ito on-record.

DELA CRUZ: Sa campaign speeches niya?

SAFT: Oo, sinasabi niya ito. Ngayon, 'pag ginawa na 'yan, ready na ba kayo diyan? 'Di ba magugulat...

DELA CRUZ: 'Sinabi ko 'to during my campaign'.

SAFT: Oo, magugulat kayo. 'Hindi, sinabi ko 'to noong campaign'. Sinasabi niya, actually, privately, sa mga negosyante at ibang pang grupo. 3 to 6 months sinasabi niya gagamitin niya lahat daw ng powers of the presidency pero alam niya hindi niya magagawa kaya magde-declare daw siya ng revolutionary government.

MADERAZO: Aray.

SAFT: So, 'yan, ha? Pinaunahan na tayo. Pero, sige lang ang pinoy kumbaga blindly sinusundan because of the myth na hindi naman totoo. 'Yung Davao po, hindi 'yan ang safest city. Even in the Philippines, ika-apat 'yan sa may pinakamaraming krimen, pinakamataas... Maraming krimen.

MADERAZO: Hindi kaya, Senator, sa buwisit ng gobyerno sa, halimbawa, sa frustration in the handling of Noynoy Aquino at saka 'yung kaniyang... kaya nagagalit po ang tao talaga?

SAFT: Actually, 'yung galit karamihan dito sa NCR because of the traffic. Because of the traffic, ano? 'Yung sa ibang lugar sa Pilipinas ay tuloy naman ang buhay. Happy 'yung mga recipients ng iba't ibang programa, nakita nila 'yung mga infrastructure na ginagawa. And to the credit nga ni PNoy, binalik niya 'yung tiwala ng tao sa gobyerno compared noong panahon ni GMA na alam mo sindikato talaga which, incidentally, 'yung mga tao na 'yon andodoon nasa likod na ni Duterte, inisa-isa natin kanina. So ngayon, ito ngayon si ano... 'yung kay Duterte, ang sinsabi natin dito 'wag natin palampasin 'yung sinasabi niya kasi sinasabi niya na 'to sa inyo e. 'Papatayin ko sila'. O, 'pag nagpatayan dito, nakita niyo 'yung sinabi niya. Uutasan daw niya ang sundalo't pulis na patayin 'yung mga kriminal. Teka muna, kriminal 'yung sinabi mo. 'Pag sinabi mong kriminal, ano na 'yan...

DELA CRUZ: Napatunayan 'yon sa baba.

SAFT: Napatunayan na. E 'di ba normally 'pag nasentensiyahan na 'yan, diretso na 'yan sa kulungan. Sinong papatayin mo? 'Yung mga nasa preso na?

DELA CRUZ: Hindi, 'yung nililitis pa lang.

SAFT: So, buti kung nililitis pa lang.

DELA CRUZ: O, nahuli pa lang.

SAFT: Oo. Hindi, baka nakursunadahan pa lang. Doon tayo pupunta e.

MADERAZO: Puwede bang ganoon? Nakursunadahan pa lang?

SAFT: Oo kasi doon ka pupunta dahil anong basis mo? Kasi doon sa Davao, binubulungan lang siya e na 'Boss, nandito si ano mayroong ganiyan'. 'Sige', sesenyas na lang, 'sige na, tumbahin mo na'.

MADERAZO: 'Patayin mo na 'yan'. O, tutumbahin.

DELA CRUZ: Hindi na kailangang sabihing ipunta mo na sa ano 'yan, sa Tondo.

SAFT: 'Ibiyahe mo na'. Puwedeng ganoon. Pero sa Pilipinas ka, presidente ka ng Pilipinas, 1,600 municipalities e. Sino ang bubulong sa'yo at magsasabing...?

MADERAZO: Siyempre 'yung mga bata mo.

SAFT: Mga bata mo pero 'yung mga bata mo may bubulungan... Masyadong malaki 'yung...

MADERAZO: E paano kung madamay bigla 'yung simpleng tao?

SAFT: Oo. E ngayon kunyari 'yung nagbulong sa'yo ay kalaban niya sa negosyo.

DELA CRUZ: Walang kuwestiyon kuwestiyon.

SAFT: Walang ano, tutumbahin lang. O, ngayon dedepensahan niya, 'di ba? 'Yon na ngayon, diyan mo na ngayon makikita 'yung abuses, 'di ba?

MADERAZO: Grabe.

SAFT: Hindi mo na metse-check.

MADERAZO: Sige po.

DELA CRUZ: Teka muna, ako, I'm compelled na. Bago tayo mag-break parang mabibitin 'yung dila ko 'pag di ko binigay. Isang retired general na nasa ano rin niya. Alam mo na siguro Jake kung sino ito. May kinuwento rin sa akin, tinanong daw niya noon si Digong. 'Bakit ka tumakbo'? Sabi niyang ganoon, 'bakit mo nga pala gustong maging presidente'? Biglang pumasok sa akin e, mapupulaan ako dito pero gusto ko ilabas. Sabi niyang ganoon, 'E mayor nga ako maraming babae edi lalo na 'pag naging presidente ako'. (laughs)

SAFT: Sinabi niya 'yan sa rally niya.

DELA CRUZ: Sinabi niya rin ba 'yan?

SAFT: Sinabi niya. Sabi niya 'O, pagdating ko ng Malacañang, naku ang dami kong matitikman o'. Sabi niya mga ganito, mga babae. Sinasabi niya e. Nagtatawanan 'yung mga tao.

DELA CRUZ: Nasa kampo niya ngayon?

SAFT: Oo. Nagtatawanan 'yung mga tao. Pero 'pag ginawa niya ngayon 'yan e sana magtawanan pa rin sila kasi walang ibang sisisihin kundi sila e.

MADERAZO: Okay. SIge po. Magbabalik po kami.

(Commercial Break)

MADERAZO: It's 8:39 in the morning mga kababayan, at siyempre, patuloy tayo sa pagtatanong kay vice presidential candidate Senator Antonio Trillanes.

DELA CRUZ: Marami na pong nakapilang tanong dito sa pamamagitan po ng Twitter, pero ano muna siguro, isara muna natin yung kay Digong, para mas masaya.

MADERAZO: Sinasabi po ni Digong na 'I will give you a clean government' pero yung kanyang big mouth, hindi dapat i-shut up... bad mouth should not be stopped.

SAFT: Iyan, agenda sa propaganda lang. Nakita mo, maganda sa tenga di ba? Oo nga naman, sige, clean government, pero tingnan niyo kasi yung Davao. Ito kasi, yung mga local... nakita niyo yung sa Makati investigation, yung mayor kasi, more often than not, kontrolado yung konseho. Rubber-stamp, ganyan. Mayroong one billion pesos almost na confidential funds ang Office of the Mayor.

DELA CRUZ: Lalo na pag mataas yung siyudad.

MADERAZO: Sa Davao ito, sa Davao.

SAFT: Oo. Confidential funds, meaning hindi iyan subject to audit. One billion pesos na in-approve ng konseho. Iyon yun. It's something that we need to look at para lang mabigyan natin ng teaser kung papaano mo dini-dispense iyon. Ok, mayroon siyang eleven thousand na job order, contractuals...

DELA CRUZ: Davao ito ha? Davao?

SAFT: Davao City ito ha? Davao City...

DELA CRUZ: Nililinaw ko lang, baka akala nila Makati uli.

SAFT: Biruin niyo ha, ang Office of the President, parang six hundred million lang yung intel funds, parang ganoon lang. Ito one billion pesos intel funds, Davao City. Ngayon ang sasabihin, yun naman ang ginamit para maging safe nga yung Davao. E, hindi nga ho safe e. Number one murder capital, number two sa rape yata. Ay, hindi, number one na sa rape. So sa crime index, lahat-lahat yung mga ano 'to, kung anu-anong crimes against property. Ano 'yan, number four siya sa buong Pilipinas sa pinakamarami. So, hindi mo masasabi. And recently may mga pulis na kinidnap. Davao City ito ha? Saan ka makakakita naman na Davao City, pulis kinidnap? O, ngayon nagbababakbakan sila ngayon doon sa isang barangay doon, NPA nga. So, ngayon, eto ngayon yung mga propaganda. Tapos itong job order, 11,000. Sa atin, papilahin mo 'yan, bigyan mo ako ng panahon na imbestigahan ko 'yan the way na inimbestigahan ko yung Makati. Nako, makikita natin yung mga ano na 'yan...

MADERAZO: So, you are saying that ika nga'y hindi totoo yung myth na clean government ang Davao. SAFT: Hindi po totoo, at sana, eto lang ha, kasi they will have to take my word for it. Pero sa akin tingnan niyo na lang yung track record ko sa mga tinitindigan namin. Hindi kami tumitindig ng mga maaayos na tao at binabangga lang namin para lang sa pulitika. Hindi po. Ginagawa namin ito dahil mahal namin yung bayan e.

MADERAZO: Okay. So, yung mga nakikinig sa atin at least nakilala niyo na. Marami pang lalabas, tanong pa.

DELA CRUZ: Ihinto na natin yung kay Duterte. Baka sabihin e kaya natin inanyayahan dito para banatan si Duterte. Maraming question, simulan na natin. Pero bago yung questions, meron ditong interesting comment habang pinakikinggan yung paliwanag niyo kay Duterte. Paghandaan na po ng gobyerno starting May 10 ang posibleng riot sa Davao kasunod ng napipintong pagkatalo ni Duterte sa eleksiyon. Magpadala na doon ng karagdagang sundalo at pulis, from Tony Alguer. Comment po niyo dun.

SAFT: Actually, yun nga yung sinasabi ko na...

DELA CRUZ: Scenario.

SAFT: Oo, kasi ganito, marami ng namumulat ngayon e and I believe that the trend will continue. Kasi hindi naman kataasan ito e, hindi naman ito as if yung kagaya nung lamang ni PNoy nung 2010.

DELA CRUZ: Erap.

SAFT: Oo, ni Erap na milya-milya na yung lamang. Eto ho hindi e, dikit yung laban. So, pero yung trend nila pababa na ngayon kasi maraming moderates na nasu-sway na. Ngayon, kung ganyan ang trend until May, mauungusan siya e, mauungusan siya. Ngayon, yung mga die-hards e hindi nila matatanggap. So, ang tanong dito, ano ang gagawin niyo? Magpapa-riot sila kagaya nung nangyari sa EDSA dos?

MADERAZO: Or one?

SAFT: Yes, kung anuman.

DELA CRUZ: Eto na, tanong muna. What would happen with K to 12? Will you continue the fight against it even after the elections? Sabi ni Sharon Perez.

SAFT: Ngayon ho meron tayong petition sa Korte Suprema calling for the suspension of the K to 12. So, inaantay po natin 'yan, hopefully ma-grant 'yan in our favor. Ngayon kung hindi, ngayon ho I'm in the process of convincing si Senator Grace Poe to suspend K to 12 na ngayon pa lang sinasabi ko na eto yung situation on the ground. Hindi ho preparado talaga yung pubic schools.

MADERAZO: Correct, yun din yung sinasabi natin.

SAFT: Hindi ho ready.

MADERAZO: Yung private pero yung mga public, ibabaon sila nun.

SAFT: Yung mga magulang lalo na. Alam niyo, niloloko nila yung mga magulang, sinasabi nila na wala naman kayong gagastusin, may voucher naman. Eto nga yun, may mga...

DELA CRUZ: Hindi lahat, yung voucher, hindi para sa lahat.

SAFT: Hindi lahat matatapatan. Kunwari nag-enroll ka sa isang private school, may voucher daw. Thirty thousand yung tuition doon, e twenty thousand lang yung voucher. Edi, mayroon kang P10,000 na pupunuan.

DELA CRUZ: Ikaw na ang magbabayad nun?

SAFT: E, yung mga magulang na yun wala namang ilalabas e. MADERAZO: Kaya nga public e.

SAFT: Ngayon maglalabas sila ng P10,000. Ganoon ang mga panlolokong ginagawa ni Secretary Luistro.

DELA CRUZ: Diba parang elitista?

SAFT: Yes, alam niyo eto ngayon ang...

MADERAZO: Yung mga mayayaman mga private highschools e.

SAFT: Eto ngayon yung unfair ano? Itong La Salle, kung saan galing si Secretary Armin Luistro, sila lang ang among a few other schools ang makakapagraduate ngayon. Alam niyo kung bakit? Kasi may grade seven na daw sila at yung prep nila ginawa nilang grade one.

MADERAZO: A, inexempt?

SAFT: Yes.

MADERAZO: Ganon?

SAFT: Kaya nga. So, ngayon yung grade one nila yung prep nila ginawa nilang grade one. So nag-accelerate sila ngayon lahat.

DELA CRUZ: For this school year?

SAFT: Lahat na. So, hindi sila... MADERAZO: Nakakahiya yun.

SAFT: Grabe nga. Nilabas ko 'yan sa committee hearing, sabi ko... I was the lone position. Ako lang yung hindi bumoto dito.

MADERAZO: Lahat ng pamilya, walang highschool graduate ngayon dahil nga sa K to 12. Pero yung La Salle, sinasabi mo meron?

SAFT: Yes, La Salle, Ateneo.

DELA CRUZ: Nakakadalawang puntos na sa akin si Secretary Luistro. Minsan ka lang nagkwento sa akin tungkol sa kanya ha?

SAFT: Alam niyo, ganito no? Kapag tinatanong, nagbi-briefing siya kahit saan, ready na daw at ito na ang pondo. Pero tingnan niyo, walang ginagawang classrooms. Dito lang sa Metro Manila. Kahit may pondo, walang magawang classroom kasi wala nang lugar.

DELA CRUZ: Totoo 'yun. Atsaka saan ka magtatayo?

MADERAZO: At bakit mo ipinatupad ng hindi mo naman binuo ang public highschools?

SAFT: Alam mo kasi itong si Secretary Luistro, ano ito e, more on theory e. Theoretically, parang workable e. Bibigyan niya 'yan ng theory palagi kapag kausap mo siya. Sabi ko, hindi. Sa public policy, tingnan mo yung administrative operability. Kung kaya mo 'yan gawin on the ground sa lahat ng sulok ng Pilipinas.

DELA CRUZ: Alam nila sa sarili nila na nagtrain sila ng teachers, nito lang nakaraang taon.

SAFT: Kapag tatanungin mo yung teachers, one week silang nag-seminar kung saan Baguio, kung saan. Tatanungin mo kung ano ba 'yung skills and knowledge nila, one week papaano 'yun? And they are expected to be specialized sa mga technical subjects na pang-college na ituturo nila.

MADERAZO: So senator, maliwanag dito na minadali?

SAFT: Minadali, pinilit.

MADERAZO: Pinabayaan. Ika nga, they left the people, the parents, and itong mga high school graduates, they left them in the balance. 'Di ka makapag-aral dahil wala kang pera, kulang 'yung binibigay nila. So ang tanong dito, senator of the republic kayo, bakit nila minadali? Ano bang motibo? Sino ang nagsabi sa kanila ng ganun?

SAFT: Gusto nilang maging legacy ito. Itong si, sinubo ito ni Sec. Luistro kay PNoy.

MADERAZO: PNoy. SAFT: Kasi ako lang ha ang turing ko dito.

DELA CRUZ: Edi naniwala rin siya sa theory, hindi rin niya alam 'yung operability.

SAFT: Hindi nila alam. 'Yun nga, one of the criticisms against PNoy, 'yung insensitivity. Hindi nila nakikita 'yung hirap ng magulang na supposed to be gragraduate na 'yung mga anak, ngayon magdadalawang taon pa. Tapos 'yung mga mayayaman na estudyante, gragraduate. 'Yun ang unfair.

MADERAZO: 'Yun ang mabigat.

SAFT: 'Yun ang mabigat.

MADERAZO: Hindi, dalawa po 'yan senator. Walang gragraduate ng high school, wala ring first year college. Ngayon ang problema natin, galit na tayo sa sitwasyon. Ang nakakagalit pa Ateneo, La Salle, inurong 'yung kanilang gradings and then pwede silang grumadweyt ngayon. Ayun grumadweyt na, so papaano ngayon 'yung mga mahihirap na dapat gragraduate ngayon?

SAFT: Precisely. Pati kunyari, Philippine Science High School ito 'yung mga pinakamagagaling na estudyante sa Pilipinas, dadagdagan mo ng two years kasi sasabihin niyo kulang sila. Tapos itong mga 'to, sabi ko grabe 'yung ginawa niyo, wala kayong mga puso. Ngayon ito, titignan niyo ngayon kung ready na ba sila curriculum-wise, walang curriculum. Walang mga trainers, walang..

DELA CRUZ: Walang binigay sa kanila?

SAFT: Walang tools, tapos two years magbubulakbol 'yung mga estudyante.

MADERAZO: Sinabi niyo, sinubo nila si PNoy.

SAFT: Oo, bentang-benta kay PNoy. Alam niyo..

DELA CRUZ: Madali palang bentahan si PNoy ng idea...

MADERAZO: Ito, nag-zero backlog daw sa public school buildings pero ni isa ngayon sa senior high school.

SAFT: Hindi, ang basis 'nun was the 2010 data. 2010 data, hindi pa K-12 requirements 'yun.

SAFT: Sabi ko niloloko niyo 'yung mga tao. 'Yung hinabol niyo was the 2010, e 2015 na kako. Pero ganito 'yan, nung 2012 sinagasa nila 'yan. Ako lang 'yung nagboto against it. Hinayaan ko sila, sinasabi ko sa inyo hindi niyo magagawa 'yan. Pero hindi ko sila blinock, ang dami nilang perang binuhos dito. MADERAZO: Sa K-12.

SAFT: Para wala silang masabi na hindi, na humarang ako. So ngayon, ito na ngayon ang sinasabi. Ba't, maraming nagsasabi, ba't hindi mo nalang gawan ng paraan, solusyunan. Hindi nga kaya, binuhusan na nga ng pera wala ngang, anong solusyon dyan?

MADERAZO: Wala ngang mapasukang eskwela 'yung mga estudyante.

SAFT: 'Yung classroom, may pera kang pampagawa ng classroom pero wala ka namang papagawaan.

DELA CRUZ: Pero alam mo ang reality niyan, makikita sa June at hindi ang presidenteng ito ang talo, 'yung susunod.

SAFT: 'Yung susunod. Maraming mag-drodropout, kasi marami nang dislocated ngayon.

MADERAZO: Maraming mga magulang ngayon sinasabi...

SAFT: Hindi na ngayon sila magsasabi, hindi na nila papaaralin nalang. Kasi 'yun yung sinabi sa akin, sir hindi nalang namin papaaralin 'yung mga anak sa senior high school kasi hindi na namin kaya. At malayo daw 'yung lilipatan. So ganoon 'yung situation. At ito no, 'yung sinasabi palagi ni Bro. Armin, na itong K-12 daw pagka-graduate mo puwede ka nang magtrabaho. Pero in fact, encouraging the culture ng high school graduates 'yan. Imbes na papasok sa kolehiyo ano. Pero ito ngayon, sino pipiliin mo, K-12 graduate o 'yung college graduate?

MADERAZO: Siyempre 'yung college ka na.

SAFT: Ang problema mo 'yung trabaho e. Hindi naman 'yung basic education no matter how you look at it. Ito 'yung sinasabi lang abroad daw, standardized. In fact it is not true. Alam niyo 'yung mga professionals natin abroad, in demand sila e. Hindi tinatanong kung, K12 graduate.

MADERAZO: Senator ako ho, actually 'wag lang madaliin, payag ako diyan sa K-12.

DELA CRUZ: Wala namang masama e.

MADERAZO: On one condition, pag dineklara mo na senior high school kayo, pagawa mo muna 'yung mga eskwelahan. Pagawa mo 'yung sa mga public high school.

DELA CRUZ: One word, ihanda mo muna.

MADERAZO: Ihanda mo, tapusin mo hindi 'yung bibigyan mo ng pera, o wala kayo noon ha, ito ang pera bente mil.

SAFT: Limang piso private, trenta mil ang budget natin, at saka temporary lang 'yon e. Kapag nandiyan na...

DELA CRUZ: Nakakadisappoint naman si ano e, 'yung sinabi mo sa La Salle..

SAFT: Yes totoo 'yan.

DELA CRUZ: Hindi ba panloloko iyon?

SAFT: Mayaman pala gagraduate sila. 'Yung mga public high school hindi.

DELA CRUZ: Hindi siya mayaman. Galing siya sa intitusyong iyon.

SAFT: La Salle...

DELA CRUZ: Hindi, La Salle lang.

SAFT: Pero 'yung mga eskwelahan na 'yon, Ateneo, La Salle, Miriam saka itong mga ano. Sana sinimulan nila ng kinder para tanggap 'nung magulang na mahaba pa 'yon na ganoon na 'yung sistema. And 'yung Grade 6 sabi ko nga panukala ko, Grade 6 magkaroon tayo ng national high school entrance exam, pag nakapasa siya diretso siya high school, pagka hindi Grade 7. Tanggap ng magulang na, e kailangan ng extra year ng anak niya.

MADERAZO: Pwede 'yun. Hindi ko matanggap na bakit bumigay ka doon sa mayayamang school?

SAFT: E kasi may...

DELA CRUZ: Ako tanggap ko kasi interes niya 'yun e.

SAFT: May interes 'yun.

DELA CRUZ: Interes niya 'yun.

SAFT: May interes 'yun.

DELA CRUZ: 'Yun ang kinakatawan niya hanggang ngayon. Teka muna ito this is an interesting question ano. Ano ang lamang mo sa ibang vice-presidential candidates sabi ni Ann May Palma.

SAFT: Sa'kin kasi ayokong mag ano e, kumparahan e. I'd rather just elaborate on my strengths so sa'kin...o sige ganito, tayo naman 'yung tumitindig consistently para sa tama. Kahit dehadong laban 'yan, babanggain ko 'yan e. Kung mali 'yan e. So, hindi ako mananahimik. Hindi ako 'yung ngingiti ngiti lang. Marami kasing mga civil society creations na tinatawag. Ito magaling ito pero pagdating ano kagaya ni Governor Panlilio sabi nila, 'uy ito magaling ito. Ginawang governor ng Pampanga.

DELA CRUZ: Pampanga.

SAFT: Binigyan ng kapangyarihan. E pagdating doon, e wala namang ginawa.

DELA CRUZ: (inaudible)

SAFT: Hindi e. Dadalhin 'yun e. Pati 'yung basura hindi nakolekta...

MADERAZO: E dapat patakbuhin.

SAFT: Hindi ka nga nangurakot pero hindi ka rin nagsilbi.

DELA CRUZ: So wala kang ginawa?

SAFT: Kailangan ito kasi 'yun. Pag ika'y pinagkatiwalaan, ipinagkatiwala sa'yo, gagamitin mo para sa kabutihan.

DELA CRUZ: Kumbaga may kotse, hindi naman minaneho.

MADERAZO: Sabi 'nung kaibigan ko sabi niya, alam mo si Trillanes is totally constitution daw kasi sa consitution daw, the AFP is the protector of the people. 'Yun ba ang standing niyo kaya sabi niyo pag tama sa publiko, 'yun ang gusto niyo? Tama po ba 'yon?

SAFT: Tama po 'yun. In fact, noong 2003 sa Oakwood, e eto Davao City ito.

DELA CRUZ: Nandoon tayo.

SAFT: Davao City, 'yung mga kasamahan namin inutusan silang maghagis ng granada sa mosque para pumatay ng mga Filipino-Muslims and Muslim Mindanaoans para ngayon lalabas magkakaroon ng jihad jihad. Para magkaroon ng...ito pondo ito. Pera lang ito pagkakakitaan 'yan.

DELA CRUZ: 'Yung mga ano ito, orchestrated ito?

SAFT: Oo, orchestrated 'yan. E ang inutusan Special Operations daw. Tinanggihan 'yan 'nung mga kasamahan namin ang mandato namin is to protect the people. Kaya bakit mo papatayin? Special operations yung pala para ma-access lang natin yung pondo. Ayun yung basis. Ang na-highlight lang kasi noon yung Oakwood eh nagrereklamo kami sa combat boots noon. Hindi po ayun ang inano namin first and foremost. Pinapapatay kami ng Pilipino eh, illegal orders yon.

DELA CRUZ: Binanggit mo yun Oakwood mo, isa sa mga opisyal mon a kaibigan ko rin, hindi ko na babanggitin ang pangalan kasi nasa isang ahensya sya ngayon. Isa sa kinuwento nya doon sa Oakwood, alam mo ang sabi nya doon sa Basilan, nakikisama kami sa Balikatan exercises pero ang totoo nag-i-spy lang kami kasi merong silang hinukay, meron silang kinuha na minerals mismo sa Basilan. Yung nag-escort lang sila.

SAFT: Hindi lang yon, did you know that yung isang kasamahan namin marami silang nakuha na armas. Naka-iskor sila sa Basilan. Uutusan sila ng political leader na isoli nyo ang mga baril na yan. Isosoli mo yang mga baril na yan na gagamitin para patayin ka.

MADERAZO: Kaya nga hindi mo masabi na anti-establishment ka. You're anti-constitutional. You're acting as a protector of the people and the state.

SAFT: Yes Sir and nung time na yon si GMA naman whether sabihin ng Supreme Court o hindi. It was a coup. Yung ginawa nila noong 2001. She was not a legitimate President. She was not voted on by the people tapos nandaya pa sya noong 2004, wala syang mandato. Yun ang difference eh. Eto kasi kay PNoy may mandato to eh. Binoto sya ng tao. Ngayon kung nagrereklamo kayong lahat, eh kayo eh, kayo ang sisisihin hindi nyo tinatanong ang mga programa. Sabi ko nga sa mga magulang na bumoto kay PNoy di ba, nung namatay si Cory, akyatan kayo doon, parang Duterte rin. Kung alam nyo ba na bibigyan kayo ng K12 na parusa ni PNoy iboboto nyo ba sya? "Hindi Sir". O sa susunod magtanong kayo.

DELA CRUZ: Kasi ang impression nung iba noon parang pro-PNoy ka. Pero yung statement mo ngayon.

SAFT: Hindi. Sa akin ganito, allies kami. Pero pag may polisiya na ikasasama ng taong bayan, magkakasalungat kami. Magkasalungat kami sa RH Law saka dito sa K-12. Yung sa RH naman, alam nyo kung anong problema doon?

MADERAZO: Pero yung military corruption ayun ang pinaglaban mo?

SAFT: Oho. Sa RH law ang problema dito yung sex education. Sex education sa grade 6 kesyo kasi hindi palagamit ng condom ang mga pinoy gusto nilang turuan doon. Grade 6 lang. Magcocondom. So sinong kikita doon? Biruin mo ang laki ng filipino society, ang laki nung market. Tapos sinasabi nila population control, sabi ko kung seryosong population control yan ba't walang ligation dyan? Ayun permanente, walang kikita. Magkano ang allocation para sa contraceptives, billions. Madaling kumita dyan. Maraming magnanakaw dyan.

DELA CRUZ: Ang aktuwal na tanong ang ganito: Who would you rather work with, Binay o Duterte? Tatambalan ko yun. Sinong letter A doon? Binay or Duterte, from your point of view?

SAFT: Sa akin, none of the above ano. May choice naman tayo pa.

MADERAZO: Andun naman si Grace Poe.

DELA CRUZ: Pero si Grace Poe sinasabi naman, they keep on mentioning deception. Di ba may deception rin sya dun sa citizenship, sa issue ng residency.

SAFT: Hindi naman kasi maliwanag yung sa kanya. Yung prinesent nya. Biruin nyo dito nya pinaaral yung anak nya noong 2005. If there is an intent to reside that's the ultimate proof. Hindi mo paaralin dito ang anak mo kung hindi mo intensyon tumira dito. Noong namatay si FPJ, talagang lilipat na sila dito. Alam nyo mahirap din ang buhay sa Amerika. Akala syempre ng mga kababayan natin doon masarap ang buhay. Hindi. Mahirap. E di balik sila dito. Dito na lang sila maninirahan. So walang problema doon.

MADERAZO: May question pa.

DELA CRUZ: Eto pa maganda rin ito. Anong solusyon nyo sa trapik dito sa Maynila lalo na sa EDSA. Ano rin po ang solusyon nyo Sa MRT?

SAFT: Okey. Noong 2013 nagfile po ako resolution calling for transfer ng capital natin, yung government center. Ang tinitignan natin is either Pampanga or Nueva Ecija. Gagawa tayo ng modern city, yung talagang urban planning. Yung maganda yung drainage system. Hindi babahain, maganda yung mass transport. Hindi mo na kailangan magdala ng kotse. Kunyari, parang Hong Kong o Singapore na anywhere, covered sila. So that will decongest. Maglagay ng commuter trains from NCR to this government center. Lahat na ngayon ng may transaksyon sa gobyerno, hindi na magdadala ng kotse. Dito naman sa Metro Manila, ang nakikita mong solusyon dito ay yung mono rail. Ito, mababaw lang ang hukay nyan. Hindi mahahassle yan habang ginagawa. Kasi yung MRT, isang diretso lang yan e. Pero kunyari, bumaba ka ng Ayala e pupunta ka naman sa looban ng Makati. Kailangan mo pa rin mag-jeep o mag taxi. Pero kung nakalink sa mga mono rail yan, kahit saang lugar ka ng Pilipinas, either NCR, mapupuntahan mo. Hindi ka na ngayon magdadala ng kotse. Kung magdadala ka ng kotse, siguro sasadyain mo lang o special locations na lang.

DELA CRUZ: Sabi ni Paolo Francisco, mahusay na punto po sa K-12 at systema ng edukasyon. Sabi naman ni Patrick Vidal, si Trillanes lang pala ang senador na kumontra sa K-12 sa Senado noon. Anyway, ito pa. Reaction din. An gaming avid texter, binasa mo ang question off the air. As an independent candidate, if Trillanes wins, how will he handle the incoming partisan president? SAFT: Okay. Yung mandato kasi, kailangang respetuhin natin. Kung sino man yan, ayun. Pero kunyari ang nanalo ay si Grace Poe for President. Si Grace Poe, independent. So she cannot be partisan. She would be forced to reach out across the aisle. So magandang background yun. Eto naman, kunyari si Duterte, pag ginawa mo yan, sino ba ang grupo ngayon ni Duterte? Personally, magbabantay ako kung sakaling mananalong presidente si Duterte o si Binay. Magbabantay lang talaga ako dyan.

MADERAZO: Yung role na protector of the people?

SAFT: Oo. Hindi ko bibitawan yan. Babantayan natin. Tayo naman, tumitindig tayo. Kahit itapon pa nila ako sa kulungan. Kung ano pa, basta definitely, we'll not let these things pass.

MADERAZO: Napakaganda ng discussion natin. More or less, parang may brainstorm tayo dito ng maraming mga bagay na hindi nalalaman ng mga tao. It's 09.03. Bigyan natin ng pagkakataon si Vice Presidential candidate and Senator. Ito, magaling talaga ito. Si Senator Antonio Trillanes. Final word.

SAFT: Well, nagpapasalamat ako sa inyo Ms. Arlene at kasamang Jake sa opportunity na marinig ako at maexplain itong mga bagay bagay na ito. Ito nga, napaka importante sa ating bayan, ang 2016 elections. Sana man lang, ang mga kababayan natin, magsuri talaga. Reviewhin nyo talaga. Tignan nyo ang pagkatao, alamin nyo kung ano yung plano sa bansa. Kasi kita nyo, pag nagkamali kayo ng desisyon dito, anim na taong magdudusa. Ito nga si Digong, sinasabi nya kung ano ang plano nya sa bansa. Hindi, kokopyahin ko na lang yan. Pero pwede ba yun? Hindi pwede yun. So sinasabi nya wala syang plano sa bansa. Alamin nyo ang Davao City. Tignan nyo. Just like all other cities, magulo din yan. Matrapik din yan. Walang kuryente. Anyway, I hope to inform the public about this. Maraming salamat po.

MADERAZO: Maraming salamat din po.