GRACE POE AMBUSH INTERVIEW TRANSCRIPT

Sen. Grace Poe: Yung ating pagdinig ngayon ay tungkol sa pagtaas talaga ng mga dumedepende sa masasamang droga. Ang sa amin kasi, parang napakakonti ng rehabilitation centers natin sa bansa, kailangan talagang ma-cover na rin ng PhilHealth ang mga gusto nating magkaroon ng rehabilitation pero wala namang pambayad. So isa iyan sa mga tinalakay natin ngayong araw.

Q: Paano iyun? Walang pambayad sa rehab pero may pambili ng drugs?

Poe: Ang problema kasi minsan iniisip nila, ano ba ang mas mura, ang magparehab o bumili ng drugs? Siyempre, kung tingi-tingi, tapos alam naman natin na ang iba nagnanakaw para lang makabili ng droga, pati yung mismong pamilya nila mag checheck-in sa kanila sa rehab center pero kung wala namang pera ang pamilya eh kailangan talaga na mayroong coverage ng Philhealth or merong government funding na hindi rin sila kailangang magbayad. Kasi ngayon ang mga indigent case ay kailangan pa ring magbayad ng P3,000, alam naman nating marami sa kanila ang hindi makakayanan ito.

Q: Kelangan pa ba ng legislation para ma-cover sila ng PhilHealth?

Poe: Yun na nga eh. Kailangan pa rin na magkaroon tayo ng legislation ukol dito sapagkat napakalimitado po ng bill pagdating po sa prevention ng drug addiction.

Q: Kailangan ba na Philhealth member sila?

Poe: Kailangan din na Philhealth member sila. Ito nga yung sa aming kailangang maayos natin ang Philhealth. Tapos siguro ang programa rin ng Department of Health na kung maaari ay alisin ang P3,000 na minimum na kailangang bayaran; kailangang may subsidiya sa gobyerno.

Q: Hindi ba sila maisasama sa CCT program? Kasi mga drug-dependent naman sila?

Poe: Ang importante kasi sa CCT, talagang kailangang mayroong present sa paaralan, tapos yung kanilang kalusugan ay namomonitor, pag papalawigin pa natin yan at isasama ang mga drugs--baka naman masyadong magkagulo ang implementasyon ng CCT.

Q: May pending bill ba para i-cover ang mga drug dependent sa Phillhealth?

Poe: Kailangang ang PhilHealth ay magkaroon ng pag-cover ng mga mangangailangan ng pag-check-in sa rehab. Hindi naman pag ikaw ay drug user, hindi ibig-sabihin na eligible ka sa Philhealth...

Q: Pero kung naging biktima ka later-on, you can be eligible?

Poe: Oo. May pending bill na ganito. Ang committee report, isu-submit namin by next week.

Q: I-eendorse ninyo, ma'am?

Poe: Oo. I-eendorse.

Q: Yung buong program po ba ang isususpende o yung distribution of syringes lang ng Harm Reduction Program?

Poe: Ang sa harm reduction kasi, ito yung sa pagdami ng AIDS victims. Ang ginagawa ng isang NGO para mabawasan ang pagdami ng AIDS, namimigay sila ng syringes. Pero parang you are encouraging the use of drugs. Ang sinasabi namin, if this is a study, kailangang detalyado kung sino ang kumukuha nito, and it should not be a stand alone program, kailangang may counseling and rehabilitation.

Q: Do you want it suspended?

Poe: In the meantime, it needs to be suspended for further review by the Dangerous Drugs Board. Sabi ko nga, pwede namang mamigay noon. Pero kailangang kasama sila sa study. Kasi kung hindi, these are part of drug paraphernalia that is banned by our Constitution. Hindi po ito pinapayagan sa batas.

Q: Yung sistema ba ng pamimigay tinatanong ka ba..."O ito, meron ako dito. Saan ko gagamitin ang mga ito?"

Poe: Alam nga nila na ginagamit sa droga ito. Kaya nga sinasabi namin, "sigurado ba kayo sa binibigyan ninyo ay nakalista ang pangalan, at hindi niyo lang binibigyan kundi kina-counsel ninyo?" Kasi para sa akin, isang pag-aaral ito na kailangang detalyado ang kanilang dokumento. Hindi naman pwedeng basta nakatayo ka sa kanto at mamimigay ka ng mga needles or syringes.

Q: Pumayag ba ang DOH na isuspend?

Poe: Sa tingin ko, dapat pumayag sila na i-suspend sapagkat ito nga ay ayaw naman...Sabi nga ni Sen. Sotto, baka naman makulong pa kayo kasi ito ay labag sa batas kung hindi natin mabibigyan ng tamang pruweba na ito ay ginagamit sa pag-aaral at rehabilitasyon.

Q: Suspended po dapat siya na one month lang, o hindi pa rin?

Poe: Hindi pa rin eh. Ang sa pagka-kaalam ko, ipinagpatuloy pa rin. Hindi naman isu-suspend ang buong Harm Reduction, ang isu-suspinde lamang ay ang parte na namamahagi sila ng syringe.

On date-rape drugs

Q: Ma'am yung tungkol sa issue ng date-rape...it's alarming....

Poe: It is very alarming kaya nga ang sinasabi namin ngayon, how can we present this at ang sinasabi nga ng PDEA...You can't detect, you can't smell, you can't taste...So really, sa ating mga magulang, talagang kailangang pagsabihan ang ating mga anak na wag basta-bastang iinom ng hindi nila alam kung saan galing at mag-ingat sila sa date rape...At ito ngang PDEA, mas lalo pa nilang pinapalakas ang kanilang kampanya na mahuli ang mga nagdadala nito at saka ang NBI rin, mayroon ding mga nahuli dito.

Q: ..parang helpless ang gobyerno na sugpuin ang drugs kasi sa halip na ito ay mabawasan ay ang pinaparaan natin ay "sige, hindi na kaya, so lahat na lang kung sakaling maging adik na?"

Poe: Ang gumagawa niyan ay isang NGO na parang tinutulungan ng Department of Health so sana ay hindi tayo sumuko dito dahil 1.8 million drug users ang meron sa ating bansa samantalang ang rehabilitation centers ng gobyerno ay 18 lamang. So kung 1.8 million yan at talagang kulang na kulang at syempre ang nagyayari, napupunta silang lahat sa kulungan at pagdating sa kulungan, nakita naman natin na mas lalong lumalala ang sitwasyon nila doon sapagkat hindi naman natututukan at minsan doon mismo ay may mga pushers rin.

Q: Bakit hindi natin gayahin ang campaign sa paninigarilyo na ipinapakita yung effects sa tao dito sa campaign against that?

Poe: Pwede yung mga advertising. Ang kaibahan sa sigarilyo ay hindi naman po ito iligal at pwedeng ilagay sa mga kahon ang mga ill effects nito. But it's still an addiction, yung sa telebisyon tayo siguro dapat mag-advertise uli, yung mga NGOs, networks pwedeng magpalabas ng ad na nagpaopakita kung gaano kasama ang droga.

On future plans

Q: Are you willing to continue the reforms?

Poe: I have been continuing it. This starts, for me, from the memory of my father and also the Filipino. I think we all have that.

Q: Are you willing to (inaudible) following the right path?

Poe: Alam mo ang importante talaga sa ating trabaho, maski na saan, syempre, yung tama ang ating gagawin. Yung patas, ang tawag nila ay tuwid na daan pero ano man ang itatawag diyan ang importante sa lahat ay ginagawa mo kung ano ang nararapat.

Q: Mar Roxas' recent statement as officially positioning for 2016?

Poe: Para sa akin yung statement na yun ay dahil nga sa siya ay isang Liberal at hindi naman nakapagtataka na may suporta siya ng kanyang partido at kami ay independent at nananatili kaming independent sa ngayon.

Q: On being independent

Poe: Alam mo para sa akin, malaki din ang benepisyo ng pagiging independent dahil dapat naman talaga ay ipaalala natin sa ating sarili na ang ating katapatan ay dapat sa mga taong naghalal sa atin at hindi lamang sa iisang partido. So para sa akin, mas nakakagaan kasi na ikaw ay libre na gumawa ng mga desisyon hindi base sa pagdidikta ng isang partido kundi sa pagdidikta ng iyong konsiyensya.

Q: On political parties...

Poe: Unang-una, ipinagdadasal ko pa kung kailangan pang tumakbo sa mas mataas na posisyon. Pangalawa, hindi naman ako plastic na magsasabi kung sino ang gustong sumuporta sa layunin na mas makatulong sa mas nakararami nating mga kababayan, bakit naman hindi. Pero patuloy ang aking pananatili sa ngayon na kahit na mataas ang aking paggalang sa ating Pangulo, na ako'y nananatiling independent sapagkat yun naman talaga ang dahilan kung bakit nandito ako. Yung mga taong bumoto sa akin at hindi yung mga partido na nagdala sa akin.

Q: What position?

Poe: Nananatili ang ating sariling paninindigan. Para sa akin, mas mahalaga.

Q: Ma'am in-offeran daw po kayong maging running mate ni Sec. Roxas?

Poe: Si Sec. Roxas, mas malinaw na sa akin ngayon ang kanyang pakay. Minsan-minsan kapag nagkikita kami, nababanggit niya na mas magandang magkasama kami. Ang sinabi ko nga hindi naman sa pagkakaibigan lamang kinakailangan ay mayroon din kayong parehong pananaw sa mga bagay-bagay at kumpiyansa sa isa't-isa bago magkaroon ng desisyon sa ganyan.

Q: Aligned po ba?

Poe: Pareho ang aming nais na ipagpatuloy ang malinis na programa, ang maging maayos ang gobyerno at kalabanin ang korapsiyon pero ang sa akin din, naniniwala ako na bagama't marami na ring nagawa ang ating administrasyon sa pakikipaglaban sa korapsyon patuloy pa rin dapat ang pakikipaglaban na iyan at tila yata napag-iwanan din ang ating mga kababayan na nangangailangan. Sa tingin ko talagang hindi lamang sa paglinis ng korapsyon kung hindi ay pagtulong sa mahihirap. Iyan ang dapat tutukan.

Q: May nag-offer po Ma'am na maging runningmate?

Poe: Wala, hindi ko kasi alam kung formal offer o kung ano lang.

Q: Turuan lang?

Poe: Siyempre naman kahit sino, maganda magkakasama tayo. Basta para sa akin, I am also not at liberty to discuss every single thing.

Q: Pero nagparamdam po na gusto kayo kunin na runningmate?

Poe: Ang sinabi ko naman din, ako hindi pa naman din ako sigurado kung ano man ang mangyari, iba't iba man ang aming maging desisyon. Kami naman po ay kung pareho man ang aming layunin na tumulong sa bayan ay hindi naman kami magkakalaban.

Q: Ma'am what about Sen. Chiz? Nag-uusap ba kayo ng mga prospect?

Poe: Si Sen. Chiz palagi kami nag-uusap, nagtutulungan din kami sa maraming pagkakataon noon, noong 2004 pa lang, at bilang chair ng finance committee, ang aking pagtutulak ng libreng pananghalian sa mga bata sa paaralan, ito'y kahit papaano napatupad din ng kanyang committee.

Q: On Chiz...

Poe: Meron, kaya nga hindi ko rin masabi. Alam mo minsan kasi pagka-kaibigan hindi mo rin masabing definite o seryosong usapan na pero siyempre, hindi naman kami bingi o bulag, alam naman din naman na nagtatanong ang mga tao kung kami ay magsasama. Ako naman, sabi ko nga kapalagayan ng loob ko na din si Sen. Chiz at alam ko may kakayanan din siya.

Q: Ma'am sinabi sa inyo ni Sec. Mar na dapat magkasama kayo, ano ang naging sagot niyo?

Poe: Anong dapat maging sagot ko? Ang sinabi ko naman siyempre sa kanya, marami kaming mga bagay na nagkakapareho kami, halimbawa gusto namin ipagpatuloy ang laban sa korapsyon pero sa ngayon meron din akong ibang pananaw tungkol sa mga bagay-bagay na hindi ko pa rin masabi na kailangan magsama upang tuparin ang ating mga layunin na ganun.

Q: Pero Ma'am hindi niyo nilinaw, yung kapag sinabi mo na nagsama, sino ang VP at ano?

Poe: Hindi na lang. Sa tingin ko desedido na siya kung ano ang kanyang itatakbo niya.

Q: So malinaw na inaalok sayo ay VP?

Poe: Siya na lang ang tanungin niyo. Ang masasabi ko lang po ngayon ano, yung mga dapat tanungin mo ay bakit ka tumatakbo? Sino ang inyong nirerepresenta? At papaano ka makakatulong sa pinakamahirap natin na mga kababayan. Yun pa lang, doon dapat nakatutok ang ating sarili bago natin masagot talaga ito.

Q: Ma'am kanino ka mas kumpiyansa kay Mar Roxas o kay Chiz?

Poe: Alam naman ninyo ang sagot diyan.

Q: On 2016...

Poe: Yung mga bagay na katanungan ko sa aking isipan ay kailangan masagot muna ng buong buo bago siyempre ako makapagdesisyon. Ngayon, kailan? Hindi ko alam. Siguro naman sa mga darating na buwan.

Q: So Ma'am may schedule na ba ulit ang meeting with the President or Sec. Roxas with you?

Poe: Hindi na ako pinatawag ulit ng Pangulo, marahil ay abala rin siya at maraming ginagawa.

Q: Kailan na lang po ang pinakahuling nagkita o nag-usap ni Mar Roxas?

Poe: Alam mo nagkasalubong kami sa isang lugar ng hindi pinaplano, doon ay medyo nakapag-usap kami. Doon sa isang restaurant nagkasalubong kami doon. Nag-usap naman kami, last week yun...

(inaudible)

Q: ...Kayo ni Sen. Chiz, open naman kayo to talk with Sec. Mar?

Poe: Kasi alam mo kahit nakikipag-usap ka sa mga napipisil na kandidato marami namang mga ibang bagay rin na, unang-una pwede mong sabihin sa kanila matutuloy ka ba o hindi. Hindi pa nga ako nakakarating sa puntong yun kaya hindi naman nangangahulugan na nakikipag-usap ako na ito ay commitment na sasama ako sa taong yun.