Transcript of Interview With Sen. Alan Peter Cayetano

We have to put our foot down as a nation and say na ito ang criminal justice system natin na kahit mayaman o mahirap, pantay-pantay ang turing

Napakalaking challenge sa ating yan. At totoo yan. Bakit may custodial area sila na hiwalay sa ordinaryong kriminal? Ibig sabihin, pati bas a kulungan merong senador at merong hindi senador? Pero sundan natin kung saan nakaugat yan. Bakit si Ms. Napoles ay may sariling kulungan pa din hanggang ngayon? Bakit hindi siya sinasama sa ordinaryong kulungan?

So kung sasabihing may threat sa kanilang buhay, wala din bang threat sa buhay ng ibang mga kriminal o ibang mga nahuhusgahan o kinakasuhan sa ating bansa? Kung sasabihin nab aka magulpi o baka ganito, hindi ba trabaho ng BJMP yan at hindi ba open naman sa media kaya pwedeng siguraduhing malinis, etc.?

Don't get me wrong. I am 100% for human rights. Ibig sabihin, even sa kondisyon ni Sen. Bong, alam ko kung ano ang feeling ng isang may migraine at unusual punishment yan. Cruel punishment kung araw-araw kang may migraine. So yung mapalamig ng kaunti ang kwarto, walang problema yan. Ang point, paano ang ibang mga nakakulong na may migraine din? wala naman pong problema sa akin na pumunta sa espesyalista ang may sakit, pero dapat lahat ng nakakulong ganoon din ang turing natin.

Siguro ang dapat tingnan din ng ating mga opisyal, mga taga Sandiganbayan, huwag niyong tingnan kung senador, mayaman, mahirap, ang tingnan niyo, tinitingnan nila ngayon kung bulag ba talaga ang hustisya, kung talagang nakatakip ang mata at hindi tinitingnan. Pero kung habang ang nangyayari ay may ibang treatment, then iba ang mangyayari dito.

Makikita niyo po, ayaw nila ng special criminal court para mapabilis ang kaso, pero gusto nila ng special quarters. Hindi ba si Sen. Jinggoy, ayaw daw ng HDO, but gusto ng HBO. Ayaw daw niya ng hold departure order pero gusto daw niya ng cable TV. We have to put our foot down as a nation and say na ito ang criminal justice system natin na kahit mayaman o mahirap, pantay-pantay ang turing.

Napaka-active ng ating mga NGO's ngayon at ng ating mga netizens. So hamon ito maging sa organized groups like sa grupo katulad ng Million Person March. You can intervene and file cases sa Sandiganbayan and file motions. You can ask the Sandiganbayan to roll the dice nang magkaroon ng hustisya especially kug may warrant of arrest na para kay Ms. Napoles. Kahit siya ay nakakulong na, pwede pa din mag-take ng jurisdiction ang Sandiganbayan over the RTC dahil mas mataas ang crime na ito, plunder ito, at pwedeng orderan sa ordinaryong mga kulungan. Having said that, again, human rights naman ng ordinaryong nakakulong. Hindi naman kasama sa usapan ng punishment ay ang magkasakit sila o masyadong madumi o masyadong masikip ang mga kulungan. Let us be humane din naman. Pero ang ordinaryong kulungan na masyadong masikip, masyadong mainit, ang pagkain ay hindi dapat ipakain sa tao, ayusin din naman natin.

Transparency is the key. Muli kong pinapahayag ang aking request sa Supreme Court na utusan ng Sandiganbayan na maging open sa media ang hearing

Ang magkairingan, normal yun, but magkakaibigan at magkakakilala pa din kayo. That is why si Oprah Whinfrey mismo na isang kilalang advocate sa Amerika at talk show host, sabi nga niya, kapag meron silang binibira na advocacy, hindi niya pinapanuod at hindi niya iko-cover kapag kinukulong na. kasi likha sa tao na maawa. Kaya kailangan mag-focus ka sa crime at sa punishment. So hindi mo maalis sa trabaho natin, trabaho niyo na i-inform at ipakita ang kalagayan. Privilege naman nila Sen. Jinggoy at Revilla na ipakita ang kalagayan nila doon. But we have to re-focus it and re-balance it. That is why muli kong pinapahayag ang aking request sa Supreme Court na utusan ng Sandiganbayan na maging open sa media ang hearing. Kasi katulad ngayon, ang sinasabing issue ay sino ba dapat ang kasuhan at sino ang hindi. Madalas sinasabi ng oposisyon bakit panay sila lang? So kung gagawing live ang hearing, makikita ng tao kung talagang, ano ba inisahan ba o pinili lang ba ang oposisyon o talagang yan ang mabigat na ebidensya. I think transparency is the key.

On Napoles receiving special treatment: Makati lang ba ang merong kulungan na ordinarya sa Metro Manila? Meron tayong Metro Manila Integrated Jail sa Camp Bagong Diwa sa Taguig. Bakit hindi doon?

The Sandiganbayan, nasa kanila ang bola in the sense na sa kanila manggagaling ang order, pero hindi naman nila kontolado halimbawa katulad sa Makati, nag-testify ang BJMP ng Makati na hindi ligtas si Ms. Napoles doon pero Makati lang ba ang merong kulungan na ordinarya sa Metro Manila? Meron tayong Metro Manila Integrated Jail sa Camp Bagong Diwa sa Taguig. Bakit hindi doon nilipat at bakit sa Sta. Rosa nilipat si Ms. Napoles? Ito ay paghamon sa ating lahat na ipakita natin sa buong mundo na mayaman o mahirap, sa Pilipinas, iisa ang hustisya.

Ang tingin ko kay Sen. Enrile, malaki ang tsansa na ma-hospital arrest. Sa konstitusyon natin, ang buhay ng tao ang palaging kina-count

Ang tingin ko kay Sen. Enrile, malaki ang tsansa na ma-hospital arrest. Dahil sa kalagayan niya bilang 90 years old, even sa Senado na malamig at may aircon, even ang kanyang mata o kanyang blood pressure, o minsan nahihilo. Sa konstitusyon natin, ang buhay ng tao ang palaging kina-count. They still have to follow the normal process na hulihin pa din siya, sumuko pa din siya, dalhin pa din siya sa custodial area, pero any sign na may problema sa health ay dapat naman dalhin sa doktor. But again, I will reiterate na dapat ang ordinaryong mga nakakulong kahit mahihirap will also get the same attention.

Baka kahit nakakulong, ang mga legislators natin matulungan ang mga nakakulong. Tandaan niyo, noong si Jun Lozada ay nakulong sa Manila, nakita niya ang kalagayan na sa dami ng mga nakakulong na ito ay hindi pa naman guilty, nagta-trial pa lang pero grabe ang kalagayan.

On the three senators' arrest: I hope that they be treated humanely but we still have to be on tract for full prosecution of all forms of corruption and crimes

Alam mo ang personal feelings ko talaga, dahil matagal kong kasama, gusto kong bisitahin. Kaya lang, we should also remember the victims of the crime. That is why I chose to visit today ang mga PNP, ang mga lumalaban sa corruption rather than sa mga nasasakdal. So I know in the past few days, panay ang human interest, alam kong mainit doon, alam kong mahirap makalaboso. Pero hindi ba sinasabi nga natin, if you can't do the time, don't do the crime. So ako, ang pakiusap ko din, pati sa mga kapatid natin sa media, let us focus on the crime and na ma-punish rather than parang kawawa naman ang mga naparusahan kasi mas kawawa ang mga nanakawan ng pera. Isipin mo ang mga nagugutom na farmers, nagugutom na magsasaka dahil doon ninakaw. Makikita mo, halos lahat ng malalaking corruption issues sa ating bansa, sa agriculture napupunta, ang Swine scam, Fertilizer scam, pati itong PDAF sa agriculture tinira ito, diba yung para sa mga farmers, fertilizers, mga farmers ang tinamaan dito.

Symbolically I am here because I want to congratulate the PNP also sa pag-modernize ng crime labs and my heart also courses out sa kalagayan ng mga kasama ko, kaya lang, kailangan tibbayan natin ang loob natin sa hindi pagiging emotional sapagkat mas marami po ang naging biktima.

Tao din naman tayo. For example, si Sen. Bong, napakabait na tao din. So hindi mo pwedeng sabihin na you don't feel bad for him and his family. On the other hand, don't you feel bad doon sa bilyun-bilyong nawala pati doon sa mga kasamahan nating namatay sa gutom o kaya walang panggamot. So we have to balance that. Minsan, the last two to three days habang sila ay inaaresto, nawawala ang focus. Ang focus ay hindi doon sa ano ang crime at dapat parusahan ang crime, kung hindi para ipakita na kawawa naman ang mga nakukulong sa Pilipinas. Kawawa ka, in a sense na inosente ka. Pero kung nakulong ka pero may ginawa ka namang kasalanan, tama lang naman yun.

That is why, I am saying prayers for them and hope that they will be healthy, especially Sen. Enrile who is 90 years old, and that they be treated humanely but we still have to be on tract for full prosecution of all forms of corruption and crimes.