Transcript of ambush interview
with Senator Alan Peter "Companero" S. Cayetano

Ang assessment naming sa testimony ni Ms. Tuason: Number one, definitely knowledgeable siya. Definitely may mga alam siya, kilala niya mga tao.

Number two, definitely credible siya. The only question mark sa akin is: Nag 'tell all' ba? Meaning sa sobrang dami ng alam, sa sobrang dami ng tao, minsan nagsa stop short na ikanta lahat.

I don't think na may itinatago. Iba yung tinatago sa hindi lang masyadong makapag salita. But I think she knows much, much, much more sa PDAF. Sinabi niya na (rin) yung Malampaya. But I think between 2004 up to 2010, napakalalaki, napakadami ng mga scams. And mukhang marami talaga siyang alam dahil marami siyang kilala.

Alam mo itong mga nagdi-deal, mga nag-aahente, or nagpu-put together ng mga suppliers at pulitiko, magkakakilala din yan eh. So I think kung talagang pipigain siya ng DOJ, maraming hindi makakatulog ngayong gabi at sa mge susunod na gabi aside from the two senators and their staff who were already mentioned.

Are the testimonies enough to convict someone?

I leave that to the Ombudsman, but the value of their testimony right now which gives a direct link at least kay Sen. Estrada. Kay Sen. Enrile, although hindi direct ang link dahil hindi sa kanya mismo binibigay yung pera, may sulat si Sen. Enrile sa COA eh so hindi mo na kailangan patunayan na authorized si Atty. Gigi.

Now whether or not it is enough to convict, depende kasi iyan sa sagot nila. Hindi pa kasi natin naririnig yung sagot ni Sen. Jinggoy at ni Sen. Enrile.

Pero I can say na damning at mabigat ang testimony na ito dahil hindi lang eyewitness, siya mismo.

Kahit di magsalita si Napoles?

Well primary accused si Napoles eh. Ako, personally, I don't think there is any way Ms. Napoles, even if she tells all, can be the state witness because she is one of the most guilty in the conspiracy between the senators and Ms. Napoles. Kaya hindi pwedeng sila maging state witness.

May liability ba si Ms. Tuason dahil tumanggap siya ng at least P40 million?

Definitely nilalagay ni Ms. Tuason ang career niya sa peligro because hindi pa naman siya naa-admit (as state witness) dahil, as we read here, yung korte ang mag-aadmit [ng state witnesses].

So it's really a step of faith para sa kanya. So ang mangyayari kay Ms. Tuason, kakasuhan talaga siya. Ngayon kung tatangalin siya sa listahan ng akusado dahil sa testimony niya, yan ay korte ang magde-decide. Kung hindi makuha yung kanyang testimonya ay hindi ito pwedeng gamitin.

That's why sinasabi ko na nilagay niya sarili niya sa peligro kasi nagtestify din siya sa Senate. Eh hindi naman namin siya binigyan ng immunity dito sa Senado. So hindi man magamit yung kanyang affidavit, yung sinabi niya dito sa Senado magagamit kasuhan man siya o hindi.

Kung maging state witness na siya, madi-discharge siya. Bale hindi na siya kakasuhan dahil dito. But remember sinasabi ng Ombudsman at DOJ sa ibang mga kaso ha like Jun Lozada, this only has to do with this case. Hindi ibig sabihin na abswelto siya sa ibang kaso.

So halimbawa sa Malampaya, ibang imbestigasyon yun. Although sinasabi niya na wala siyang alam doon. Dito sa PDAF, dito lang siya maa-abswelto kung mapatunayan na may mga iba pang mga deals at kasama siya, iba pa yun dito. Yun ang ruling na ginawa nila kay Mr. Jun Lozada.