Press Release
January 22, 2013

Transcript of Sen. Chiz Escudero's interview
on DZBB's "Ikaw na ba? Senatorial series

Interview with Sen. Chiz Escudero Program: Ikaw na ba? (Senatorial series) Station: DZBB Anchors: Mike Enriquez and Arnold Clavio

ENRIQUEZ: Magandang Umaga po Sen. Chiz Escudero.

FGE: Magandang umaga Mike,Igan , Sen. Loren, sa ating listeners, magandang umaga.

ENRIQUEZ: Ano sa palagay niyo ang dahilan kung bakit parati kayong number 1, number 2, papalit-palitan lang kayo ni Sen. Legarda sa survey eh, palagi kayong nasa taas, ano sa palagay niyo ang dahilan?

FGE: Hindi ko rin alam Mike tulad ni Sen. Loren, hindi ko rin alam at kung alam ko man, wag na nating sabihin dahil baka gayahin ng iba. (laughs)

ENRIQUEZ: Kay Sen. Loren ang sabi niya trabaho lang siya ng trabaho.

FGE: Gayundin, kasi ang tingin naman naming dalawa survey lang naman yan tataas yan, bababa yan. Kung sino man ang mataas wag dapat magyabang kung sino man ang mababa wag dapat mainis dahil boto pa rin naman sa araw ng eleksyon ang bibilangin kung sino ang makakapasok at sino ang hindi. Marami na tayong nakita nung panahon ng kampanya napakataas sa survey pero pagdating ng botohan nag-iiba ang resulta. So, hindi dapat makaapekto yan sa anomang galaw, ano mang plano, taktika o istratehiya ng sino mang tumatakbo.

ENRIQUEZ: Paano niyo ba ginamit o ginagamit ang pork barrel nyo?

FGE: Sa dalawang bagay lamang Igan,

ENRIQUEZ: Si Igan...

FGE: Mike..

ENRIQUEZ: Arnold malaking hadlang ka talaga sa buhay ko. (laughs)

FGE: (laughs) Mike, una para sa medical assistance sa indigent patients na nilagay namin sa lahat ng regional hospital sa buong bansa. Pangalawa, P500,000 para sa lahat ng munisipyo din sa buong bansa para sa construction, repair and rehabilitation ng kanilang public market. Natapos namin yan last year lamang Mike. Lahat ng pondong pinanghahawakan namin ay dinownload namin sa LGU o sa regional hospital dahil ayaw ko ng isyu kaugnay ng pag implement nyan na kesyo may pinili ka, may pinaboran ka, sila nalang ho ang mag implement nyan.

ENRIQUEZ: Kasama daw ho kayo sa binigyan ni Sen. Enrile ng P1.6-M nitong nakaraang pasko, ano ho ang nagyari sa P1.6-M? MOOE ano?

FGE: Opo, opo.

ENRIQUEZ: Ano ba 'yun? Bukod sa pangalan, meron bang tinatawag na definition sa Senado kung ano yung Maintenance and Other Operating Expenses? Katulad sa amin pag sinabing GAE, General Administrative Expenses, may nakalista sa ilalim nun na ganito, sweldo ng ganito, ganon. Yung MOOE, meron bang nakalistang gastusin kung ano ang sakop ng Maintenance and Other Operating Expenses?

FGE: Meron po. Pero wala sa rules ng Senado. Nasa COA po yan. Applicable sa lahat ng ahensya kung ano yung babagsak o papasok sa depinisyon ng MOOE.

ENRIQUEZ: Ano yung P1.6-M na pinamigay ni Senate President Enrile nung pasko?

FGE: Hindi po. Nagsimula yan sa aking pagkakaalam noong 2010, mula nung nagkulang ng isang senador at naging Senate President si Sen. Enrile, dahil naging presidente si Pangulong Aquino, yung budget para sa kanyang opisina bilang pang-24 na senador ay hinati niya bilang dagdag na sweldo. Yun personal talaga nilang pera, ng mga empleyado at dagdag MOOE sa parte at panig ng mga senador. Liwanagin ko lang Mike, public funds ito, na dapat lamang gamitin for public use na subject to COA auditing at hindi pwedeng gastusin pambili ng sapatos, relos o damit o pang personal na gastusin o grocery ng sinomang senador. Binigay noong December, hindi pa namin nagagatos yan dahil ngayon January pa lang gagastusin 'yun. Pero hindi ko kayang magsalita sa iba...

ENRIQUEZ: Papaano binibigay 'yun? Sa pangalan ba ng senador 'yun?

FGE: Officeof Senator Escudero.

ENRIQUEZ: Hindi Sen. Escudero?

FGE: Office of, may account po kaming Office of Sen. Escudero. Gayun din marahil kay Sen. Loren Legarda.

ENRIQUEZ: Pareho kayong nag nais na maging...

CLAVIO: Muntik na kayong mag running mate..

ENRIQUEZ: Mag presidente, bise presidente. Kayo senadora dalawang beses na kayo.

LEGARDA: Nabigo kaya wala nang ambisyon. Yung totoo nabigo ako bilang bise presidente noong dinaya kami. 2004 po nung tumakbo ako bila ng bise presidente ni FPJ , I'm sure na yung katabi ko dito ay hindi tatanggi na kami ni FPJ ay dinaya. 'Yun yung garapalang pandaraya. Pero tapos na po, naka move na ako, pinaglaban ko na sa Korte Suprema. Natanggap ko na po yung pagkatalo namin ni FPJ na kinamatay ni FPJ, tapos na po yun. Masakit pero tapos na po yun. Yung pagkatalo ko po nung 2010, talagang nabigo dun kaya alam kong hindi para sa akin ang bise presidente. Hindi na rin po ako tatakbong presidente, ako po ay tumatakbo bilang senador, huling termino po at maglilingkod ng tapat sa aking huling termino bilang senador. Masarap po pag wala nang ambisyon, para po akong liberated. At marami nang kaibigan dahil wala na akong ambisyon for higher position.

FGE: Liberated woman na siya. (laughs)

CLAVIO: Liberated, liberal.

FGE: Sabi ko liberated hindi liberal.

LEGARDA: ...Sinabi ko kay VP Binay noong natalo ako nung 2010, hinawakan ko kamay niya at sinabi kong VP Jojo you deserve the position, salamat at ikaw ang nanalo hindi ako, dahil pag ako ang nakaupo sayo, ang hirap. Sobra yung stress. Kaya Chiz, pag-isipan mo, napakahirap ng stress kung ikaw ay magiging presidente, bise presidente.

ENRIQUEZ: Senador, sagutin niyo nga yun. O kulang pa kayo ng stress sa buhay?

FGE: Palagi ko nga sinasabi kahit nung bangayan at away sa Senado, hindi naman ako fighter eh, lover lang ako. Wala akong balak makipag-away. (laughs)

ENRIQUEZ: Lover, malinaw lover. Yan ba ang sticker niyo sa kotse niyo? Parang yan yung mga nakasulat sa mga jeep eh.

FGE: Hindi naman basta driver sweet lover, iba naman yun. (laughs)

CLAVIO: Loverboy..

ENRIQUEZ: Hindi mo sinagot ng diretso yung tanong senador, pagkatapos maging senador. Sabagay natural yan eh, kung 22-23 senador, 22-23 yan na ang tingin sa sarili nila ay potensyal na mga presidente o bise presidente. Natural yan, hindi masama yun, hindi negatibo yun, talagang ganon lang daw. Sa Senado ang susunod palasyo na.

FGE: Alam mo hindi lang yung 24 na senador ang nangangarap siguro, nag-iisip o nagpaplano dahil isang mayor ng isang siyudad ang naging bise presidente, isama mo na lahat ng isang libo at mahigit na mayor, iniisip din siguro at nagpaplano. Para sa akin, pag tulong nangangarap ako bakit ba hindi, kahit gising. Pero maganda sa pangarap libre at hindi binabayaran. Bakit hindi.

ENRIQUEZ: Malinaw.

CLAVIO: Common candidate po kayo pareho ng LP at UNA. Ang tanong ko po, parang may warning ata ang LP sa mga common candidate na bawal kayong sumama sa UNA rally o sorties. Paano kayo pag ganon?

FGE: Dalawang bagay, sinabi din ng UNA yan Igan. Una, sa panig at parte ko, kaya nga hindi ako sumali sa anomang partido ayokong magpadikta sa sinomang partido. Ngayon pa bang independent ako ngayon pa ako didiktahan ng sinomang partido. Pangalawa kaugnay ng sinabi ng LP, nakakarami na ring ikot ang UNA hanggang ngayon hindi pa ako nasasabihan at naiimbitahan. So wala naman po sigurong conflict doon. Kung pinagbabawalan ka ng isa at hindi ka naman iniimbitahan ng isa, wala naman sigurong problema o magiging problema.

ENRIQUEZ: Ito naman po ang tanong ko, ano ba kayo oposisyon ba kayo? Tinatanong namin ito sa lahat, lalo na yung mga naka upo na o nasa pwesto na bilang senador o bilang nasa gobyerno. Oposisyon ba kayo o administrasyon?

FGE: Base sa depinisyon ninyo, administrasyon. Kumpara sa naging papel ko sa administrasyon ni dating Pangulong Arroyo na maliwanag na oposisyon ako. Administrasyon ako ngayon subalit hindi nangangahulugang lahat ng ginagawa nila at sinasabi ay susuportahan ko rin. May ilang panukalang batas halimbawa na sinulong ang administrasyon na hindi ko sinuportahan dahil hindi ako sang-ayon.

ENRIQUEZ: Tulad ng?

FGE: Sintax bill ang pinakahuli.

ENRIQUEZ:Hindi mo sinuportahan yun?

FGE: Bumoto ako laban doon sa simpleng paninindigan, mula noong ako'y nahalal bilang kinatawan ng Kongreso hanggang ngayon hindi pa ako bumuboto sa ano mang pagtaas ng buwis.

ENRIQUEZ: Reproductive Health Bill, ano ang naging boto niyo?

FGE: Bumoto ako pabor sa Reproductive Health bill.

ENRIQUEZ: Itinulak yun ng administrasyon sobra, sobra ang tulak doon pati ang Sintax reform law di ba senador?

FGE: Opo.

ENRIQUEZ: Ngayon lumulutang po yung usapin tungkol sa divorce, meron ngang isang mambabatas o kongresista na nagsasabi na pagbukas ng Kongreso, sa susunod na Kongreso, ipa-file daw yung panukalang batas para isa-ligal ang diborsyo sa Pilipinas. Susuportahan niyo ba yun o hindi?

FGE: Against ako sa divorce, hindi yan napapanahon para sa akin at tingin ko ang mga nagsusulong nyan sa puntong ito ay nais lang pagbangayin ulit ang gobyerno at ang simbahan matapos ang bangayan tungkol sa RH ng gobyerno at simbahan. Ang mas gusto ko Mike kung saka-sakali Igan, gawing affordable and accessible ang annulment. Halimbawa, payagan o i-authorize ang PAO na humawak ng annulment cases para may libreng abogado ang sino mang nagnanais makakuha niyan. Pangalawa, mag assign din ng psychologist ang DSWD o DOH para libre magbigay ng opinyon kaugnay sa mga bagay-bagay na yan. Para sa akin hindi lang dapat karapatan ng may kaya ang pagkuha ng annulment at yung mahirap maglilipatan nalang ng bahay at maglilipatan ng lugar o tirahan. Dapat available din yan para sa kanila.

ENRIQUEZ: So yun malinaw. Kayo po, si Sen. Escudero, ayaw niya sa diborsyo.

FGE: Hindi po panahon, hindi yan napapanahon at hindi ako sang-ayon sa panahon na ito para dyan.

CLAVIO: In love ka kasi. Ayaw niyang isama sa kampanya nya yung mga Kapuso.

ENRIQUEZ: Papaalalahanan lang natin si senador, maganda pero si Heart, amin po si Heart. Nakukuha niyo po ba ako senador?

FGE: (laughs)

CLAVIO: Parang tatay ah. (laughs)

ENRIQUEZ: Natumbok mo Arnold Clavio.

CLAVIO: Wag mong anuhin, Kapuso namin yan.

ENRIQUEZ: Kamusta na kayo ni Heart? I'm sorry senador at sa mga nakikinig, alam niyo naman sa mga panahon ngayon kahit saan kayo magpunta, hindi pwedeng hindi dadapo sa usapin ito tungkol sa inyo ni Heart. Hindi maitatanggi ito.

CLAVIO: Kamusta na kayo ni darling?

ENRIQUEZ: Napakagandang pagkakataon ito para ulitin namin na sa amin si Heart.

FGE: (laughs)

ENRIQUEZ: Nakita kami ni Heart noong sabadO sa Eat Bulaga, blooming.

CLAVIO: Mike, di ba nakita mo silang nag dinner?

ENRIQUEZ: Tumigil ka Arnold. Senador, kamusta?

FGE: Okay kami Mike. Pero tulad ng madalas kong sinasabi, hindi ako magsisinungaling tungkol doon, hindi ko itatago pero hindi ko rin ipagmamayabang o ipagmamalaki dahil labas sa trabaho ko yun at labas din sa trabaho niya. Si Heart na siya nung nakilala ko siya gayundin naman maski papaano ako nung nakilala niya ako. Ano man ang relasyon na meron kami, labas sa trabaho niya at trabaho ko.

ENRIQUEZ: Hindi po namin makikita si Heart sa entablado pag may mga rally o meeting?

FGE: Usapan namin yun. Maliban na lamang kung imbitahan din sya sa parehong okasyon na inimbitahan ako.

ENRIQUEZ: Pero kayo hindi niyo siya isasama?

FGE: Hindi po. Kung ma-tyempohan lang siguro, malay mo pag miss, pero kung hindi naman hindi ho as a rule.

CLAVIO: Di ba ang tulay niyo si Sen. Miriam Santiago?

FGE: Siya ang nagpakilala.

CLAVIO: Bakit hindi niyo sinuportahan si Sen. Miriam sa pagpapatalsik kay Sen. Enrile?

FGE: Una wala siya kahapon. Hindi naman siya kasama sa pagpapatalsik kay Sen. Enrile. Pangalawa gaya ng nasabi ko, iba at hindi ko hinahalo ang personal sa trabaho.

ENRIQUEZ: Okay. Malinaw.

(Commercial break)

ENRIQUEZ: (inaudible) ...so lahat ng mga senador sumuporta sa FOI bill, anong bersyon ?

FGE: Hindi Malacañang version. In fairness hindi nakielam ang Malacañang sa debate.

ENRIQUEZ: Hindi yung malabnaw na bersyon?

FGE: Hindi po. Hindi ko nakita yung malalang bersyon.

ENRIQUEZ: Malabnaw. Ngayon daw meron ayaw nang suportahan, yung lumagda sa original, ang laki daw ng deperensya nung nandoon ngayon yung nakasalang sa original.

FGE: Hindi ko po alam yung berson ng House pero yung bersyon ng Senado ay sarili niya at hindi kinopya.

ENRIQUEZ: (inaudible)

FGE: (inaudible) ...malamang ipapasa talaga yan bago matapos ang sesyon na ito pero ang tanong ano ang itsura, ano ang hugis ano ang kulay ng bersyon?

ENRIQUEZ: Naipasa yan ng Senado na hindi nase-certify ng urgent sa Malacañang tulad ng ginawa sa RH bill at Sintax reform bill.

FGE: Opo.

ENRIQUEZ: Di ba kayo nagtataka bakit nacertify yan ng urgent ng Malacañang? O sa tingin niyo hindi na kailangan?

FGE: Ayokong magsalita para sa kanila. Marami na silang tagapagsalita doon, ayoko nang dagdagan pa. (laughs)

ENRIQUEZ: Senador, isa po sa hindi matakas-takasan ng pangalang Escudero ay yung yumaong ama ninyo na si Cong. Sonny Escudero ay isa sa mga naging miyembro ng gabinete ng noong Presidenteng Marcos, hinawakan niya noon ang Kagawaran ng Agrikultura.

FGE: Ministry of Agriculture ang tawag noon.

ENRIQUEZ: Tama mga minister ang tawag sa kanila noong araw. Pag sinabi mo ang apelyidong Escudero, hindi maiiwasan yung connect ika nga sa Marcos. Paki-sagot nga yun senador?

FGE: Ano ang sasagutin doon Mike?

ENRIQUEZ: Hindi ba kayo apektado? Yung pagiging mambabatas at pagiging isang kandidato, ako na ang sasagot doon dahil parati kayong nangunguna sa survey obviously walang epekto ito.

FGE: Hanggang pumanaw ang tatay ko ang suot niya sa kanyang balikat ay ang kulay red, white and blue. Kung maalala mo at hindi niya naman ikinatatatwa yun. Pangalawa, kaugnay ng paninindigan ko sa bagay na yan ako ang sponsor at isa sa mga nagsusulong ng Compensation bill para sa human rights victims na 20-taon nang naghihintay. Sa kauna-unahang pagkakataon Mike, maaprubahan namin hopefully tomorrow dahil nasa Bicameral conference committe na, bilang chairman ng Committee on Justice and Human Rights.

ENRIQUEZ: Anong posisyon niyo sa Anti-epal law?

FGE: Isa rin ako sa author na naglalayon na hindi dapat gamitin ang pondo ng gobyerno para ilagay yung pangalan mo sa isang proyekto. Ngayon kung dinonate mo yan at personal mong pera yan, bahala ka sa buhay mo ilagay mo yung pangalan mo sa buong waiting shed. Pero kung pondo ng gobyerno ang ginamit, hindi ka dapat gumamit miski na piso para ilagay yung pangalan mo dun.

ENRIQUEZ: Sa ambulansya, sa sasakyan ng pulis, sa waiting shed.

FGE: Sa design ng waiting shed, dahil yung unang titik ng pangalan ng mayor o governor yun ang...(laughs)

ENRIQUEZ: Senador?

FGE: Alam mo sa Pilipinas lang ginagawa yan Mike eh. Yung ambulansya may mukha at pangalan. Sa ibang bansa walang ganyan.

ENRIQUEZ: Yung mobile ng pulis.

FGE: Mobile, ambulansya, bumbero, waiting shed, meron ngang sidewalk na may bigote. (laughs)

ENRIQUEZ: Hindi lang yun, pati kulay. Sa ibang bansa isa lang ang kulay ng lahat ng tulay, overpass.

FGE: Actually merong regulasyon ang DPWH dyan. Yung sidewalk, yung taas ganito lang, yung hump yung disenyo ganito. Minsan mapunta ka sa ibang barangay yung hump biglang sobrang taas na sasayad kahit anong gawin mo. Yung sidewalk biglang sobrang taas, sobrang liit.

ENRIQUEZ: Tungkol sa sinasabi niyong mga sukat o specification...

FGE: Standard po lahat yan dapat.

ENRIQUEZ: Standard. Ang tinutukoy ko yung kulay, yung pintura. Napansin niyo ba yun sa Metro Manila, pagtawid niyo ng isang lungsod papunta sa kabilang lungsod..

CLAVIO: Traffic enforcer nga iba-iba kulay eh.

FGE: Pag magpalit ka ng presidente mag-iiba ang kulay, pag nagpalit ka ng mayor mag-iiba ang kulay, (laughs)

ENRIQUEZ: Yung streetlight, bara-barangay yun, buti kung umiilaw, maraming street light pinondohan ng barangay, ginastosan at matapos bayaran ay hindi gumagana.

FGE: Dalawang bagay Mike, kasi ang madalas na problema sa barangay streetlights ay kung sino ang magbabayad ng kuryente pagkatapos itayo.

ENRIQUEZ: Hindi ba nila sinasama sa plano yun, kung saan nila kukunin?

FGE: Sinama at pinaplano pero ang pinakahuling kautusan ng DILG at DBM mga 2 years ago ay bawal gamitin ang MOOE ng barangay sa kuryente. Bawal gamitin ang MOOE ng barangay sa dagdag sweldo, allowance ng mga tanod. So walang pagkukunan sa sinusubukan nilang ipasa, naging problema yan sa maraming LGU sa buong bansa.

ENRIQUEZ: Meron pong nagpapanukala na yung mga opisyal ng barangay gawing swelduhan. Bakit swelduhan hindi allowance lang tulad ng nangyayari ngayon?

FGE: Isa po ako, ako ang nagpanukala nyan para simple. Kung ang presidente, bise presidente, senador, gobernador, congressman nakakatakas sa tao yan at nakakatakbo may sweldo, ano pa kaya yung barangay captain at official na nasa frontline ng delivery ng basic services natin. Ang tinatanggap ng isang tanod halimbawa P300 a month mababa pa sa minimum wage na factory worker. Ang tinatanggap ng kagawad, honorarium. Ang problema ko po doon, pag retire nila, halimbawa nanilbihan siya bilang kagawad, kapitan, secretary, ni-singkong pension o singkong duling na retirement wala silang matatanggap.

ENRIQUEZ: Pero kung isa sa mga katulad namin ni Arnold na nagbabayad ng buwis, ang hihingin naming kapalit noon halimbawa mga tanod, kung gusto niyong swelduhan namin kayo, dapat malinaw yung patakaran o qualifications ika nga. Kasi ngayon, hindi naman lahat, may mga tanod dyan walan naman trabaho sa kanila, sasabihin ng chairman, tanod ka na. Walang pagsasanay, walang orientation tapos binibigyan ng allowance ng gobyerno yun.

FGE: Okay lang po yung patas na qualification pero ang lusot naman nila kung bakit alllowance lang,hindi naman full itme. May pang araw na trabaho sila, sa gabi nagtatanod. Yung kagawad may pang araw na trabaho, sa gabi...

ENRIQUEZ: Buti yung may trabaho, may tanod na tambay tapos ginawang tanod eh.

FGE: Kung hindi ganon malay mo matakot yung ibang siraulo dun, sumunod sa tanod. (laughs)

(Commercial)

(Legarda)

FGE: Nag-aaway na nga sila dun sa Senado e.

ENRIQUEZ: Anong Senado? Kasama kayo dun a.

FGE: Mamaya may magpi-privilege speech daw e.

CLAVIO: Teka, bago makalimutan, habol ko lang 'to Sir Mike. Yung West Philippine Sea lang. Kahapon kasi talagang na-ano ako kay Mayor Hagedorn. Andun d'ya e. Sabi n'ya, ang poisisyon n'ya, either you die for it o you drop yung claim. Ano bang posisyon n'yo?

(Legarda)

FGE: Naniniwala ho ako na hindi na uso yung gyera para maayos ang mga gusot o hindi pagkakaintindihan ng mga bansa. Napag-uusapan yun. Pangalawa, dapat hindi natin bitiwan yan at hindi man ma-settle sa henerasyon na ito, dapat panghawakan natin dahil malay mo sa darating na panahon magkasundo ang dalawang bansa tungkol dyan. Pansamantala, pabor at bukas ako sa joint exploration ng area dahil malay mo walang makita ang China dyan, kusang loob silang umalis. At pangalawa, Mike, para... Alam mo, 50-50 ang alam kong alok nila kaugnay ng gastos at kung anuman makikita sa joint exploration. Habang hindi pa nase-settle yung issue, dito sa Pilipinas, ang binabayaran lamang ng Chinese mining companies ay dalawang porsyento. Sariling lupa natin walang kwestyon atin at hindi nila inaangkin, dalawang porsyento ang binabayad sa atin at pumapayag tayo. Doon ang alok singkwenta, kinekwestyon pa nila kung atin ba talaga o hindi. Para sa akin maliwanag yung option na dapat maging bukas kaugnay ng bagay na yun. Kung hindi, uulitin ko, binibitawan ang ating pagma-may-ari, claim o pagaangkin sa lugar na yun.

(Legarda)

ENRIQUEZ: Senador?

FGE: Well, maikli lamang. Salamat sa inyong programa, sa DZBB at sa GMA 7 sa pagkakataon na na binigay sa amin para mabigyang linaw, sagutin at tugunan ang ilang mga katanungan, ilang isyu na kinakaharap natin ngayon bilang isang bansa at bilang isang lahi. Sa panig at sa parte namin, pagpapatuloy lamang namin ang aming ginagawa nitong mga nagdaang taon para sa gayon ay manatili ang paniniwala, pagtitiwala at dahilan para sa pagsuporta, hindi lang sa amin kundi sa aming mga adhikain ng ating mga kababayan.

ENRIQUEZ: Si Heart?

FGE: May shooting yata.

ENRIQUEZ: Ganyan ang sabi ko sa iyo Senador e na everytime na sumasagot kayo e.

FGE: Dapat ba hindi ko sagutin?

ENRIQUEZ: Pinapatulan nyo e. (laughs) Joke lang. Kamusta na lang kay Heart. Mga Kapuso, inyong napakinggan ngayong umaga, tulad nga ng paulit-ulit naming sinasabi, hindi na namin itatanong sa kanila kung sino na nga ba dahil lumalabas po sa survey, hindi po namin survey ito. Halimbawa yung Pulse Asia survey, number one, Francis Escudero, number two, Loren Legarda....

News Latest News Feed