Press Release
August 29, 2012

Transcript of Interview of Senate President Juan Ponce Enrile

On the Supreme Court under a new Chief Justice

Q: 'Yung bagong Supreme Court Chief Justice, sabi niya paiiralin niya 'yung dignified silence sa Judiciary. Tama po ba 'yun?

SP: Dapat naman. Sa America ganoon. Walang nagsasalita. 'Yung mga usapan nila, sa loob lang ng kanilang deliberation. Hindi nila pinag-uusapan sa labas.

Q: Pero it doesn't mean na hindi na magiging transparent po noon ang Judiciary?

SP: Oo. Noong araw, wala namang complaint ang mga tao. Ang mga desisyon lalabas, hindi naman pinag-uusapan. Binibigay sa mga peryodista 'yung kopya ng desisyon kapag na-promulgate na.

Q: Sir, si CJ Sereno, sinasabing lagpak daw po sa psychological test. Kailangan po bang ipalabas ang resulta noon? Would that be an issue against her?

SP: Tapos na 'yun. She was already appointed. Hindi na kailangan na ilabas pa 'yun. I suggest that we must not weaken the Supreme Court. Nandoon na. The President has already exercised the appointing power and appointed a Chief Justice then we'll see. We will respect the judgment of the President if the appointee is proven to be incapable, I cannot say. I do not know. Ibang usapan na naman 'yun. We must stop speculating about people who are appointed in high positions otherwise we will destroy this country.

On rice smuggling in Subic

Q: Sir, kanina po, sino po 'yung pinapa-cite niyo for contempt?

SP: Lahat ng nagsisinungaling.

Q: Lahat ata sila, sir...

SP: Lahat ng mga nagsisinungaling. 'Yung nagsabi na hindi niya kilala pero kilala pala niya. Nandoon sa record.

Q: Tulad ni Sanchez, 'yung broker?

SP: Hindi. Si Martinez. Sinabi niya, nandoon sa record, hindi ko kilala. Tinanong ko 'yun. Pagkatapos, 'yun pala, nakikipag-negotiate. 'Yun namang si Protik, sabi niya, wala kaming intensyon na ipagbili dito, for transshipment lang. 'Yun pala pinag-usapan na nila 'nung consignee, Metro Eastern. May kasunduan na silang bahala kumuha ng mga resibo sa Customs for payment of taxes and duties. Paano pag-uusapan ang taxes and duties kung totoo 'yung sinasabi niya na for transshipment lang. 'Yun ang kanilang pinapalabas. 'Yun pala mayroon silang plano, 26 ng Marso pa lang. Hindi pa dumating 'yung kargamento rito. Pinag-uusapan na nila ang taxes and duties. Pagkatapos sabi niya, hindi naming ipagbibili 'yan dito. 'Yun pala Enero pa lang nandito na. Binasa ko sa record 'yung first entry niya rito, departure, entry, departure, entry, departure. Ang dami.

Q: Sir, kapag nagkataon, maraming i-dedetain at kailan niyo po sila ipa-rerelease? Kapag umamin?

SP: Depende kung anong desisyon ng committee kung how long.

Q: May resolution pa ba 'yun o may request na sa inyo for arrest?

SP: 'Yung isa, si Bayani.

Q: Napirmahan niyo na po 'yun?

SP: Hindi pa.

On Camarines Sur

Q: 'Yung sa CamSur, sabi ni Senator Miriam, parang gapangan contest daw...

SP: Wala naman.

Q: May pag-asa raw ba?

SP: Hindi ko alam kasi sinabi kahapon ni Tito (Sotto) na binibigyan niya ng pagkakataon si Senator Bongbong, bilang chairman ng committee, na mag-file ng kanyang committee report. Kaya lang, hindi naman masasabi ni Bongbong kung kailan dahil kinakausap niya 'yung mga members. So, we will see next week.

News Latest News Feed