Press Release
May 15, 2012

Transcript of ambush interview of Senate President Juan Ponce Enrile

On Scarborough Shoal

Q: Apektado na po, sir, 'yung tourism and business natin?

SP: Temporary lang iyon. Marami namang ibang pinanggagalingan 'yung turista natin. Dapat i-cultivate natin ang India and Russia kasi the market of India and Russia is for tourism and nabasa ko kanina sa peryodiko, na 'yung banana is our fruit export so we have to explore other areas. Russia would need a lot of tropical fruits. I know this because doon sa amin sa Cagayan, may mga bapor na galing sa Vladivostok na nagpupunta doon. Gusto nila na magkaroon ng mga fresh pineapples.

Q: Hindi po ba alarming, sir, kung mag-spread hindi lang po sa banana kung hindi pati na rin sa pineapples ang effect sa exports ng Pilipinas?

SP: Meron din silang magiging problema dahil dito nanggagaling ang karamihan ng kanilang metal imports, mineral imports, magnetite. Leading ang volume ng importation dito ng magnetite.

Q: Kung sa Russia po o sa ibang bansa po, sir, mas malayo raw, mas mahal ang expenses?

SP: From the port here to Shanghai, it's five days. To Vladivostok, it's seven days. Plus two days lang.

Q: Hindi po ba masisisra ang banana pag mahaba ang biyahe, sir?

SP: Hindi, kasi may shelf life at hindi naman 'yun pinipitas na over ripe.

Q: Nung nagpatupad ang China ng ban sa pag-fishing sa buong South China Sea, affected din po ba tayo diyan, sir?

SP: Hindi lang tayo ang maapektuhan nun kasi may Indonesia, Malaysia, Vietnam pa.

Q: Dapat po ba natin i-recognize ang pag-ban ng fishing sa Panatag Shoal? Kasi po atin iyan.

SP: Syempre kaya lang wala tayong pwersa kagayang Tsina.

Q: Pero sir, bakit niyo po binanggit na temporary lang ito?

SP: Mare-resolve din 'yan. Walang hidwaan ng mga nasyon sa mundong ito na hindi mareresolba. Di ba nag-giyera ang Amerika at Hapon? Binagsakan nila ng atomic bomb ang Hiroshima at Nagasaki. Tingnan mo ang Amerika ngayon, sila ang andun na nagbigay ng magandang kabuhayan sa mga Hapon.

Q: Sir, there's nothing to worry? Hindi aabot sa ganoon?

SP: Hindi ako nagwo-worry.

On the Impeachment Trial of Chief Justice Renato Corona

Q: Sir, mayroon na bang subpoena sa AMLAC?

SP: Walang request sa akin. Hindi kami pwede na moto propio na tatawag ng witness. Kung mayroon lang request 'yung magkabilang panig.

Q: Sir, combative witness daw si Ombudsman, bakit pinayagan?

SP: Kanya-kanyang paningin 'yan.

Q: Sir, how will this affect the proposed amendments to AMLA kasi ongoing ito at nagagamit daw ang AMLAC sa partisan politics?

SP: I do not know kung anong issue ang ilalabas nila.

Q: Pero iru-rush niyo pa rin, sir, 'yung AMLA amendments?

SP: 'Yung terrorism financing. Dalawa iyon. Pero 'yung revision, 'yun ang tatalakayin namin pagbalik.

Q: Sir, kaya niyo pa rin 'yung target na May 31 mag-end 'yung trial?

SP: Oo, kaya 'yun. Sinabi ko na, kung kailangan mag-hearing ng alas-10 alas-12 ng gabi, maghe-hearing ako

Q: Sir, with the testimony of the Ombudsman, kailangan pa po ba 'yung complainant na sina Risa Hontiveros at Walden Bello?

SP: Hindi ko sasabihin sa inyo kung ano ang gagawin ng mga abogado. Trabaho ng abogado 'yang tinatanong mo sa akin.

Q: Sa takbo ng hearing kahapon, mas mapapadali pa kaya.

SP: Ewan ko. Alam mo, ako presiding lang. Nakikinig at pinagmamasdan ko ang nangyayari. Nagru-ruling.

Q: Sir, mas lumiliwanag na ba 'yung kwento ng Impeachment Articles at this point in time?

SP: Hindi ko alam. Tanungin niyo 'yung mga humahawak kung maliwanag o malabo.

News Latest News Feed