Transcript of ambush interview with Senator Mar Roxas

On the VAT:

MAR: Nagkakaiba ang aming pananaw ng Pangulo tungkol sa VAT. Itinukoy niya ang VAT at nag-concentrate siya sa kanyang SONA sa VAT. Ayon sa kanya, P80 bilyon ito. Pero yung kabuuang budget ng gobyerno ay P1.3 trilyon. Kaya maliit itong bahaging VAT na P80 bilyon na sinasabi. Number two, sabihin natin na mahalaga itong P80 bilyon. E yung nilista lamang ng Pangulo ay P8 billion worth of disbursements. So ano ang nangyari sa P70 bilyon?

Pangatlo, sa totoo lang, dito sa VAT sa langis, sang-ayon sa statistika ng DoF, P30 bilyon lamang ang mawawala sa gobyerno. Sa kabuuan ng P1.3 trilyon na budget ng gobyerno, yung P30 bilyon at maliit na bahagi, pero itong P30 bilyon, pupunta ito sa mga mahihirap na gumagamit ng petrolyo. Mga mangingisda para sa kanilang motorized bangka, sa mga magsasaka sa kanilang mga hand tillers, sa mga jeepney driver, tricycle at sa iba pa.

Kung sinasabi ng Pangulo na ang mayayaman ang makikinabang dito kasi gumagamit sila ng gasolina, e di patawan natin ng ibang buwis, ng luxury tax sa mga mayayaman. Pero huwag tayong gumamit ng isang tax measure na sakop-sakop ang lahat, dahilan sa nasasaktan ang mahihirap kasabay ng nagbabayad nito.

Q: What kind of luxury tax?

MAR: Luxury tax on SUVs, on vehicles costing more than P1 million, or P2 million, or P5 million, and other such measures. Ang point dito ay, yung P30 bilyon na mawawala sa VAT, iikot ito sa ating ekonomiya, dahilan sa ang ating mga kababayan ang gagastos nito. Pag gastos nila nito, may bago nanamang makokolekta rito.

Q: What's your next move, with GMA rejecting your proposal once more?

MAR: Naniniwala ako sa demokrasya natin, na ang kapangyarihan na nangingibabaw dito sa ating bansa ay ang tinig ng ating mga kababayan. Itutuloy ko ang ating pagmumungkahi na tatanggalin ang VAT sa produktong petrolyo. Noong ipinataw itong VAT na ito, ang presyo ng krudo ay $30 per barrel. In fact, noong sinubmit ng gobyerno ang budget for 2008, ang projection ng gobyerno was about $60 per barrel lang. Iyon lamang ang inaasahang makolekta ng gobyerno rito. A VAT, 12%, on $60 per barrel. $7.20 per barrel.

E ang krudo ngayon, nasa $130 per barrel. 12% of $130 per barrel is $16 per barrel. Sobra-sobra sa kanyang projections, sobra-sobra sa kanyang inaasahan, yung kinokolekta ngayon ng gobyerno sa VAT na ito.

Q: GMA says that removing the oil VAT would hurt the poor.

MAR: Iyon ang pananaw niya. Para sa akin, mas malaking bahagi sa kabuuang income ng mahihirap yung ibinabayad nila sa VAT ng krudo, kaysa sa mga mayayaman. Lagyan natin ng tax sa mga luxury goods na kinokonsumo ng mga mayayaman, at yung mga mahihirap na gumagamit ng gasolina, ng krudo ng diesel, yung mga magsasaka, mangingisda, tricycle at jeepney driver, lahat ng gumagamit ng transportasyon, sila ang makikinabang.

Q: What do you think of the proposal to lower the VAT back to 10%:

MAR: Pag-usapan natin lahat ng ito. Sa House, narinig ko na bukas sila na repasuhin itong VAT sa kuryente at sa gasolina, kung mayroon namang pagkukunan sa ibang buwis, sa luxuries. Lahat ito ay maaaring pag-usapan kung nag-uusap, hindi yung sitwasyon na pikit-mata at pikit-tenga ang Pangulo dito sa mga suggestions na ito.

On the administration's priority bills:

MAR: Marami siyang inihain. Para sa akin, ang importante, at sumasang-ayon ako rito, ang ating food self-sufficiency. Mahalagang-mahalaga na tayo mismo ang magsaka at mag-ani ng ating kakainin. Hindi na tayo gagastos katulad ng ginawa natin ngayong taon, ng P70 bilyon para lang makaangkat ng 2 million metric tons of rice mula sa magsasaka ng Thailand at Vietnam.

On the supposed Senate coup:

MAR: Bawat resumption, magmula sa Christmas break, Easter break, adjournment... lahat iyan palaging may tsismis, pero titingnan na lang natin kung ano ang mangyayari.

Q: Nabulungan ka ba tungkol dito?

MAR: Wala. Pag-uusap-usap, tsismis-tsismis lang iyon. Lahat naman tayo nakikiramdam kung ano ang nangyayari rito. Lahat kami nagtatanong sa mga periodista kung ano ang balita.

Q: Are you satisfied with the Senate leadership?

MAR: I'll just speak for myself. Obviously, hindi ako bumoto para sa kanya, ante mano, para sa akin, pabor ako sa pagbabago ng liderato sa Senado.

Q: What are the chances of a change?

MAR: Nasa minority ako. Kuntento ako sa minority position, at ginagawa ko naman ang aking trabaho. Nakapagpasa ako ng Cheaper Medicines Bill, yung pag-exempt ng minimum wage earners sa income tax. Lahat ito ay naisagawa natin habang tayo ay nasa minority.