Press Release
January 23, 2008

Transcript of press briefing with Senator Mar Roxas

On SB 1962, seeking to suspend the VAT on oil products:

MAR: Malinaw sa hearing na ito na yung so-called "doomsday scenario" na mawawasak iyong economic stability at iyong fiscal strength ay hindi totoo. Napatunayan natin, ang DoF mismo ang nagsabi na P30 billion ang estimate na mawawala dito, sa loob ng isang taon. Pangalawa, hindi kasama doon sa kalkulasyon ang makokolekta nilang pera sa paggastos muli sa mga savings na ito. Kaya mas maliit sa P30B na estimate ng DoF ang mawawala sa gobyerno.

Ilagay lang natin ito sa tamang perspektibo. This will result in less than one-half of 1% deficit to GDP. Makikita natin na noong panahon ng fiscal crisis, iyong deficit ng gobyerno relative to GDP was in the 4%-5% range. Sa ngayon, ni kalahati sa isang porsyento hindi umaabot ito. Kaya maliit na bahagi ito sa kabuuan ng budget ng gobyerno at sa kabuuan ng ating ekonomiya. Walang doomsday scenario, walang pagbagsak ng financial markets at sa financial statistics ng ating pamahalaan.

Pangalawa, sa kabila ng statistika na ipinalabas ng NEDA at pati na rin ng DoF, that this is, both on a GDP and inflation basis, halos neutral ito. May bahagyang improvement, ang calculation ng NEDA is anywhere from 0.4% to 0.5% improvement in GDP, at generally, patas lang sa inflation. Bakit? Maganda na lumitaw ito sa ating hearing kase itong pera na ito ay gagastusin din. Ang kaibahan ay, ang gobyerno ba ang gagastos n'ito matapos makolekta ito, o si Juan de la Cruz ang gagastos n'ito? Para sa akin, sa panahon itong kahirapan, mas mabuti pa si Juan de la Cruz ang gumastos n'ito kaysa ang gobyerno. Tutal maliit lang naman itong kabahagi sa buget ng gobyerno at hindi naman ito makakabigay ng masamang epekto sa ating fiscal situation.

Q: Based on the data presented by the DoF, is the basis for your proposal strengthened?

MAR: Para sa akin, it strengthens the argument na dapat tanggalin ang EVAT sa produktong petrolyo. Kung ang gobyerno mismo, hindi nakakakolekta ang dapat nilang kolektahin, mabuti na ibalik natin sa tao iyan. Mukhang sila mismo, napabaya over these last so many years, na hindi nila tinitingnan ang kanilang mga datos, hindi nila binabantayan ang dapat nilang kolektahin. And this relates to the P50 billion plus of uncollected taxes other than VAT on oil. Kung gawin lang ng gobyerno ang kanilang trabaho, itong P30 billion na mawawala sa VAT, hindi na isyu ito. Mababalik ang pera sa tao, ang tao ang gagastos n'ito, at makokolekta muli ito ng gobyerno.

Q: Mukhang hindi obligado ang mga oil companies na ibaba ang kanilang presyo.

MAR: Tinitignan din natin ang Oil Deregulation Law, pero hindi ko tinatanggap na ang pagbaba ng presyo ay hindi automatic, dahilan sa ang pricing, lahat ng valuations ay price of goods plus VAT. Kapag nawala ang VAT, balik sila sa presyo nila. Maaari na sa kadulohan, tataas pa rin, kase baka pumatak ng $120-$150 per barrel ang presyo ng langis, pero hindi na kasama sa bigat ang gobyerno.

Bababa ang presyo. In other words, kung ang oil naging $150 per barrel, bababa ba o hindi? In other words, ang sinasabi nila [oil companies], there are other elements to pricing. Magagawa ng gobyerno na mawawala itong P4 per liter. Maaari, for example, bukas mawala ang P4, maaaring in one month bumalik ang P4 pero hindi na gobyerno [ang may dahilan noon]. Under the Price Act, you're supposed to separate their price from the VAT. Malinaw na malinaw. Parang sa Meralco, ito ang singil, ito ang generation, ito ang VAT. So talagang one-to-one correspondence. Kung mawawala na iyan, aalisin din iyan.

Q: Couldn't the oil companies just increase their prices again and claim it as recovery or buffer?

MAR: Ibang kwentuhan na iyon, dahilan sa, pwede na itataas ng kumpanya, pero hindi na iyong gobyerno ang nagtaas ng presyo. Iba na ngayon, ang gobyerno ay magsasabi ngayon na, "nagsasamantala kayo. Titignan natin ngayon ang Oil Deregulation Law, kase tatanggalin natin ang inyong paglalabis."

Q: How about absolute removal?

Kasama iyan sa ating pagdinig, pero palagay ko na sa panahon ngayon na mataas ang presyo ng produktong petrolyo sa pandaigdigang pamilihan, nararapat na tanggalin natin ang VAT. Pero kung bumaba namang muli iyan, aba'y siguro na kailangang pondohan din natin ang mga proyekto ng gobyerno. Balanse-balanse lang iyan. Hindi naman dapat na maglabis ang gobyerno rito sa kanilang koleksyon kung hindi naman talaga ganoon katindi ang krisis-pinansyal ng gobyerno, at ibalik itong VAT sa mga tao. Ang pagtanggal ng VAT sa mga produktong petrolyo, makakatulong sa ating mga kababayan sa ngayon. Ang problema ng ating mga kababayan ay ngayon, bukas, makalawa. Hindi sa 2010 na dalawang taon pang mahigit.

Q: On the apparent lack of anti-smuggling initiatives by the government

MAR: Dagdagan ko iyong sinabi ni Senador Escudero na "inept" ang gobyerno. Palagay ko, hindi lang inept, negligent talaga ang gobyerno, dahilan sa mga loophole na dinadahilan nila na hindi makolekta ito, hindi nila masubaybayan ito, ang gobyerno din mismo ang gumagawa ng mga loophole na ito. Sila mismo bumubuo ng sitwasyon na mabibigyan sila ng dahilan na hindi nila malaman o hindi nila makita itong mga smuggling. Saan ka nakakita na hindi talaga mino-monitor ng matindi iyong pumapasok doon sa lumalabas? E sa mga fastfood, malinaw na malinaw iyan, kung ilang patties ang pumasok versus ilang hamburger ang nabenta. Sa ibang kumpanya, ilang lapis ang pumasok, ilang lapis ang lumabas. Dito lang tayo nakakita na ang dalawang ahensiya [BoC and BIR], iyong datos nila, hindi makapag-coordinate, iyong ahensiya na sumasabaybay sa kanila, iyong DoF, hanggang sa ngayon hindi pa rin sigurado kung nadadaya tayo o hinde, at mukhang ngayon na lang pinag-usapan na magkakaroon ng koordinasyon [BoC and SBMA] pero it remains to be seen.

Q: Do you believe there's a free market in the oil industry?

MAR: To begin with, there is no free market in the oil industry whether in the Philippines or worldwide. OPEC itself decides how much production there will be, so by its very nature there is an oligopoly. In the Philippines , what we're saying is, within that oligopoly, precisely the Oil Deregulation Law said, "dagdagan natin ang kompetisyon." At dagdag pa diyan itong probisyon sa Oil Deregulation Law, na binibigyang kapangyarihan ang gobyerno na buksan ang mga libro ng mga oil companies. Tagal na nating pinaglalaban iyon, ngayon lang tayo nakakita ng Secretary na nagsasabi, "Sige, gagawin ko iyan, at gagamitin ko ang probisyon ng Oil Deregulation Law para mabuksan nga itong libro ng mga oil companies, na malaman nga kung nang-aabuso nga ba sila o hinde."

Q: Bakit hindi isamang i-suspinde ang evat sa kuryente?

MAR: Palagay ko na iyong argument na iyong mga mayayaman ang makikinabang, mas salient doon sa electricity. Kasi, iyong mga mayayaman ang may aircon eh. Eh iyong mga mahihirap ang sumasakay ng jeep; iyong mga mangingisda ang gumagamit ng motor sa kanilang pangingisda. We also have to want to have equity, na ang ating tulong, maibuhos doon sa mga nangangailangan. Palagay ko nasa oil iyon.

 

On CSC findings of unqualified government appointees:

Q: CSC Chair David said, President has taken advantage of her appointive powers, there are many unqualified appointees?

MAR: I don't know the details of that. CSC Chair David would be the best person to know the details of each one of these appointments. If, in fact, these are violations of the Civil Service Law, then these ought to be reversed.

 

On worldwide stocks plunging:

MAR: What is happening now underscores my contention as far back as a year ago or two years ago, that there is a difference between the financial economy and the real economy. Ipinagmamalaki ng gobyerno na malakas ang ating ekonomiya kasi malakas ang stock market, and so on and so forth.

Ngayon na bumabagsak ang stock market, sinasabi ng gobyerno na resilient ang ating economy, na hindi tayo babagsak. Napapatunayan dito na talagang may pagkaiba yung stock market at iba pang mga financial markets doon sa real economy. Doon sa real economy, malaki ang pangangailangan ni Juan dela Cruz for relief mula sa high prices, mula sa high taxes, at mula sa mataas na presyo ng langis.

Nakikita natin na 60-70% of trading are foreign funds. Yung 60-70 ng trading na nakikita natin sa stock market are foreign funds, labas-pasok iyan. Kung malakas ang economy natin, eh di dapat, kung may relasyon talaga ang stock market sa economy natin, eh di dapat walang epekto iyan. Pero nakikita natin na kung ano ang nangyayari sa pandaigdigang pamilihan, may epekto sa stock market natin dito. Dapat, di rin gamitin ng gobyerno ang stock market bilang isang batayan ng paglakas ng ekonomiya. Ibig sabihin ba noon, bagsak na ang economy natin? The stock market has come down over 10 percentage points over the last week or so. So, ano, bagsak na rin ba ang economy natin? Hindi naman eh. Nandito pa rin tayo, naghihirap pa rin tayo.

So talaga, ang point is, yung stock market, okey lang iyan, pero hindi tayo dapat na tumingin lang sa stock market. During the good times, yung kahirapan ni Juan dela Cruz, nandiyan pa rin. During the bad times, yung kahirapan ni Juan dela Cruz, nandiyan pa rin. So, the stock market is separate, really, from our real economy.

News Latest News Feed