Transcript of interview with Sen. Kiko Pangilinan

Question: Kamusta ang pag-iikot ninyo Senator?

Answer: Ok naman. Sa kampanya naranasan natin na you really have to shake the hands of people. Talagang makakasama mo ang mga botante at makasalamuha sila. Siempre, ang botante sinasabi nila na iba yung personal na nakikita ang mga kandidato at hindi lamang sa TV.

Q : Special Valentine message sa mga kalaban?

A: Sa aking mga katunggali, happy valentine's day. Today is the day of love. Instead of hitting at one another, let us love our country and campaign in a high level manner. Kaya ang pag-ibig sa ating bansa ang unahin natin sa kampanya dahil yun naman talaga ang kailangan nating gawin. Kapag ganun eh sa palagay ko ay aahon na tayo mula sa kahirapan at bubulusok ang ekonomiya.

Q : Sasama ba kayo sa sorties ng UNO?

A: Well, nailatag na kasi ang ating mga plano bilang indipiyendente. Kaya kinakailangan tignan natin yung schedules but I said precisely while I am thankful that I am adopted by the UNO ticket, I hope they will understand that I am more comfortable in maintaining my independent stance dahil sa palagay ko mas epektibo ako bilang indipiyendente. We can work together on an issue-to-issue basis at napatunayan na natin yan sa ating ilang taon sa Senado na isinantabi natin ang politika at partisanship kasama natin magtrabaho ang oposisyon, kasama natin magtrabaho ang administrasyon pero ang basehan at batayan ay kung ano ang mas makabubuti para sa ating mga kababayan.

Q: Pero, inimbitahan kayo sa proclamation rally this Friday, pupunta ba kayo?

A: We'll see, we'll see. We have to check the schedules. Like I said, I hope they will understand. I am more comfortable in maintaining my independent stance. I am thankful for their endorsement. Ako rin ay nasopresa sa kanilang endorsement dahil nga kung inyong nasusundan eh may ilang tumututol sa aking mapasama sa UNO slate so ako talagang inisip ko na kung ganun, I have to go independent and that is the decision I made. But in the last minute, I was adopted so I was surprised myself. So sabi ko, kung ayaw ng ilan sa akin dun, eh mas mainam na siguro na tahakin ang independent position. Ayun, nakalatag na ang mga plano. I hope they understand. I am thankful. Ako ay nagpapasalamat sa pag-adopt nila sa atin pero sana maunawan nila na I hope to continue and remain with my independent stance.

Q: Kaya nyo ba Senator? Kayang-kaya?

A: Hindi naman kayang-kaya. Kakayanin. Pero sa huling banda ang talagang sasalo sa atin kung sasaluhin tayo eh ang taong-bayan dahil kung ang iba ay may makinarya, bilang indipendiyente ang pantapat sa makinaryang matibay eh ang suporta at malasakit ng ating mga kababayan. Ang ating mga kababayan, kung ating pakikinggan, eh naghahangad ng pagbabago sa ating politika. Parang pare-pareho na lang -- walang ng distinction ang mga kandidato. Yung dating ganito naging ganito. Parang musical chair. So, palagay ko yung ating mga kababayan ay naghahanap din ng pagbabago sa politika. Gusto nila tama na yung lumang politika. Eto tayo nagbibigay ng ating programa, inaalay natin ang ating kandidatura. Ngayon, kung gusto nila pagbabago eh handa silang makibahagi at handa sila sumuporta dahil hindi naman mangyayari ang pagbabago kung ang taong-bayan mismo ay hindi kikilos at makikibahagi.

Q: Gaano kalaki ang magiging tulong ni Ms. Sharon Cuneta?

A: Well, makakatulong siempre dahil alam naman natin na siya ay sikat. Ngunit, hindi naman siya pwedeng mangampanya araw-araw dahil merun din siyang obligasyon sa pamilya at sa kanyang propesyon. At habang ako ay nangangampanya, merun kinakailangang maghanap-buhay. So hindi pwedeng lagi kami magkasama sa kampanya. So, ayun. She will help- tutulong siya but at the same time, I am also banking, of course, on my track record for the last 6 years para makuha muli ang suporta ng ating mga kababayan. In the end, sa palagay ko matimbang din ang ating naging performance. Ako'y naniniwala na itong last 6 years, hindi naman naging kahiya-hiya ang ating performance sa Senado, may track record tayo kaya sa palagay ko matimbang din yun para sa ating mga kababayan.

Q: Where will you focus this time if ever you get re-elected as Senator?

A: Alam mo iba ang politika natin ngayon sa bansa eh. Baka ibalik yung Cha-Cha, baka ibalik yung Con-Ass baka ipilit na naman ang mga ito kaya napakahalaga na manatiling indipindiyente at mapag-bantay ang ating Senado. Kinakailangan na magpatuloy ang Senado na nagbabantay sa mga hindi tamang gawa ngunit sinusuportahan natin ang dapat suportahan para sa ating mga kababayan. Nais rin nating itulak ang edukasyon para sa kabataan, hanap-buhay at trabaho para sa ating mga kababayan, at siempre ay mapanatiling indipiyendente at mapagbantay ang ating Senado. Palagay ko ayaw rin ng ating mga kababayan yung Senado na nagsusunod-sunuran, nagbibingi-bingihan at nagbubulag-bulagan. Gusto nila ay isang Senado na may paninindigan, isang Senado na ipaglalaban ang ating mga karapatan at hindi yung tinitingnan na lang habang nilalapastangan ng ibang ahensiya o sangay ng pamahalaan ang ating mga karapatang pantao.